19:07, 01 - قازان 2020 | GMT +6
الماتى جولدارىندا تورلى جول بەلگىسى پايدا بولدى
الماتى. قازاقپارات - الماتىدا ساتبايەۆ پەن جەلتوقسان كوشەلەرىنىڭ قيىلىسىندا تورلى جول بەلگىسى سىزىلدى، دەپ حابارلايدى قازاقپارات ءتىلشىسى.
قالالىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، الماتىدا جىل سوڭىنا دەيىن 5 كوشە قيىلىسىندا وسىنداي بەلگى پايدا بولادى.
«بۇل بەلگىلەر جۇرگىزۋشىلەرگە بوس كەڭىستىكتى باسۋعا بولمايتىنىن ەسكەرتۋ ءۇشىن جاسالعان. قازىر ولار ەكسپەريمەنت رەتىندە سالىندى. «ۆافەلدى» بەلگى - بۇل قيىلىستاعى جول ۇستىنە سارى جولاقتارمەن سالىنعان تور كوزدەر. جۇرگىزۋشىلەر كەپتەلىس كەزىندە ءبىر- بىرىنە كەدەرگى كەلتىرمەيتىن بولادى. بۇل بەلگىلەر كوبىنەسە باعدارشاممەن رەتتەلەتىن، ءبىراق كەپتەلىس كوپ بولاتىن قيىلىستاردا قويىلادى»، - دەدى پ د- دان.
اۆتور: گۇلميرا عوسمانالي