عالىمدار كوروناۆيرۋسپەن ءتيىمدى كۇرەسۋى مۇمكىن فەرمەنتتى انىقتادى

None
None
نۇر-سۇلتان. قازاقپارات - عالىمدار كوروناۆيرۋسپەن ءتيىمدى كۇرەسۋى مۇمكىن فەرمەنتتى انىقتادى.

زەرتتەۋ جۇمىسى Advanced Materials جۋرنالىندا جاريالاندى، - دەپ حابارلايدى ريا نوۆوستي اگەنتتىگى.

ساراپشىلار فەرمەنتتىڭ تابيعي جولمەن بولىنەتىنىن ايتادى.

ا ق ش پەن قىتايدىڭ حالىقارالىق زەرتتەۋشىلەر توبى ءبىرقاتار تاجىريبە جۇرگىزگەن. ناتيجەسىندە ولار انتيوكسيدانت كاتالازانىڭ اعزاعا ءۇش باعىت بويىنشا وڭ اسەر ەتۋى مۇمكىن ەكەنىن انىقتاعان.

عالىمداردىڭ ايتۋىنشا، كاتالاز ماكاكالاردىڭ رەزۋستارىندا SARS- CoV-2 ۆيرۋسىنىڭ رەپليكاتسياسىن باسىپ، ۋىتتى اسەرىن تيگىزبەگەن. سونداي-اق، فەرمەنت قابىنۋعا قارسى اسەر ەتەتىنى انىقتالعان. ول سيتوكين ءوندىرىسىن رەتتەي وتىرىپ، سيتوكيندىك داۋىلدىڭ جانە كوروناۆيرۋستىڭ اسقىنۋى بولىپ سانالاتىن ءقاۋىپتى جۇيەلىك قابىنۋدىڭ الدىن الادى.

سونىمەن قاتار، انتيوكسيدانت وكپەدەگى الۆەولالاردىڭ ىشكى بەتىن تۇزەتىن جاسۋشالاردى توتىعۋ كەزىندە زاقىمدانۋدان قورعاۋعا كومەكتەسەدى.

عالىمدار كاتالازا نەگىزىندەگى قۇرالدىڭ نەگىزگى ارتىقشىلىعى ونى ءوندىرۋدىڭ قاراپايىمدىعى جانە ءوندىرۋ باعاسىنىڭ تومەن ەكەنىن ايتادى.


سوڭعى جاڭالىقتار