كوروناۆيرۋس: حالىقارالىق اۋە رەيستەرىندە قوسىمشا تالاپتار ەنگىزىلەدى

None
None
نۇر-سۇلتان. قازاقپارات - كولىكتەگى مەملەكەتتىك باس سانيتارلىق دارىگەر ءسادۋاقاس بايعابىلوۆ 2 ساناتتاعى ەلدەردەن قازاقستانعا حالىقارالىق اۋە رەيستەرىمەن كەلەتىن قازاقستاندىقتار مەن شەتەلدىكتەر ءۇشىن قازاننىڭ ءبىرىنشى ونكۇندىگىندە COVID-19 بويىنشا جاڭا تالاپتاردى ەنگىزۋگە قاتىستى تۇسىنىك بەردى، دەپ حابارلايدى قازاقپارات.

«قازىرگى كەزدە كولىكتەگى سانيتارلىق- ەپيدەميولوگيالىق قىزمەت ماماندارى اۋە كومپانيالارى مەن اۋەجايلاردىڭ وكىلدەرىمەن بىرلەسە ەكىنشى ساناتتاعى (21 مەملەكەت) ەلدەردەن قازان ايىنان باستاپ اۋە رەيستەرىمەن قازاقستانعا كەلەتىن ادامدار ءۇشىن قوسىمشا تالاپتاردى ەنگىزۋ جاعدايىنداعى جۇمىستى ۇيىمداستىرۋ ماسەلەسىن پىسىقتاپ جاتىر»، - دەدى ءسادۋاقاس بايعابىلوۆ.

اۋە كومپانيالارى قازاقستانعا بيلەت ساتىپ الاتىن جولاۋشىلاردى COVID-19 عا قاتىستى قوسىمشا تالاپتار تۋرالى حاباردار ەتەدى. وسى ورايدا شەتەل ازاماتتارىندا مەملەكەتتىك شەكارادان ءوتۋ كەزىندە ءۇش كۇننەن اسپايتىن مەرزىمدەگى COVID-19 عا تەرىس ناتيجە تۋرالى انىقتاما بولۋى كەرەك. بۇل تالاپ ەسكەرىلمەسە، ولار ساپارلايتىن اۋەجايدان ۇشاق بورتىنا قابىلدانبايدى.

ال قازاقستان ازاماتتارىندا انىقتاما بولماسا، وندا ولار كەلگەن بويدا بورتتان پ ت ر اناليز تاپسىرۋ ءۇشىن ەكى كۇندىك كارانتينگە ستاتسيونارعا ورنالاستىرىلادى. وڭىرلەردە وسى ماقساتتارعا ارنالعان ءتيىستى ستاتسيونارلار دايىندالدى. اتالعان جاڭاشىلدىقتاردى ەنگىزۋ داتاسى جايىندا قوسىمشا اقپارات تاراتىلاتىن بولادى.

سوڭعى جاڭالىقتار