قازان ايىندا اۋا رايى قانداي بولادى

None
None
نۇر-سۇلتان. قازاقپارات - سينوپتيكتەر قازان ايىندا اۋا رايى قانداي بولاتىندىعىن ايتتى، دەپ حابارلايدى قازاقپارات.

قازان - كۇزدەن قىس مەزگىلىنە اۋىسۋ ۋاقىتى. وسى ايدا اۋا رايى، اسىرەسە سولتۇستىك وڭىرلەردە، ءوزىنىڭ توسىنسىيلارىن ۇسىنادى. مۇندا ءتىپتى بۇرقاسىن بولۋى مۇمكىن، ال ەڭ سۋىق جىلدارى قار جامىلعىسى دا پايدا بولۋى مۇمكىن.

«كونسۋلتاتيۆتىك بولجامعا سايكەس 2020 -جىلدىڭ قازان ايىندا قازاقستاننىڭ سولتۇستىك- شىعىس، ورتالىق، وڭتۇستىك- شىعىس وڭىرلەرىنە سۋىق اركتيكالىق اۋا ماسسالارىنىڭ ءجيى كەلۋى جانە جەرورتا تەڭىزىنىڭ شىعىس جاعالاۋىنان ەلىمىزدىڭ وڭتۇستىك- باتىسىنا جىلۋدىڭ شىعارىلۋى كۇتىلەدى. ناتيجەسىندە ورتاشا ايلىق اۋا تەمپەراتۋراسى رەسپۋبليكانىڭ باسىم بولىگىندە كليماتتىق نورما شاماسىندا بولادى دەپ كۇتىلەدى. قازاقستاننىڭ وڭتۇستىك- باتىس جارتىسىندا نورمادان 1 °C جوعارى، ەلىمىزدىڭ سولتۇستىك- شىعىس بولىگىندە نورمادان 1 °C تومەن بولادى»، - دەيدى قازگيدرومەت ماماندارى.

اعىمداعى جىلدىڭ قازان ايىندا جاۋىن- شاشىن مولشەرى قازاقستاننىڭ باسىم بولىگىندە نورماعا جۋىق، ەلىمىزدىڭ سولتۇستىك- شىعىس جارتىسىندا جانە الماتى وبلىسىنىڭ شىعىسىندا نورمادان كوپ بولادى دەپ بولجانادى. الداعى كۇندەرى رەسپۋبليكانىڭ باسىم بولىگىندە قۇرعاق جانە شۋاقتى اۋا رايى كۇتىلەدى.

ەلىمىزدىڭ سولتۇستىك جارتىسىندا اۋا تەمپەراتۋراسى تۇندە -2+7 °C ، كۇندىز اۋا بىرتىندەپ +12+20 °C دەيىن جىلىنادى، وڭتۇستىك جارتىسىندا جانە باتىستا - تۇندە +5+13 °C ، كۇندىز +17+25 °C بولادى دەپ كۇتىلەدى. 5 قازاننان باستاپ سولتۇستىك سيكلونمەن جانە اركتيكالىق اتموسفەرالىق فرونتتاردىڭ وتۋىمەن جاۋىن- شاشىن تۇسەدى.

سولتۇستىك جارتىسىندا جاڭبىردىڭ ارتى ىلعالدى قارعا اۋىسۋى مۇمكىن، تۇمان جانە جەلدىڭ ەكپىنى 15-23 م/س دەيىن كۇشەيۋى مۇمكىن. جاۋىن- شاشىننىڭ توقتاۋىمەن كۇزگە ءتان سۋىق تۇندەر مەن اشىق جەلسىز كۇندەر كەلەدى.

تەك ەلىمىزدىڭ باتىسىندا، وڭتۇستىك- باتىسىندا جاۋىن- شاشىنسىز اۋا رايى ساقتالادى. ءبىرىنشى ونكۇندىكتە اۋا تەمپەراتۋراسى: باتىستا كەزەڭنىڭ ورتاسىندا تۇندە 0,+5 °C دەيىن، كۇندىز +12+17 °C دەيىن؛

سولتۇستىكتە، سولتۇستىك- باتىستا، ورتالىقتا جانە شىعىستا كەزەڭنىڭ ورتاسىندا جانە سوڭىندا تۇندە -1-8 °C دەيىن، كۇندىز 0,+7 °C دەيىن؛

وڭتۇستىكتە، وڭتۇستىك- شىعىستا ونكۇندىكتىڭ سوڭىندا تۇندە 0,+5 °C دەيىن، تاۋلى جانە تاۋ بوكتەرىندەگى اۋدانداردا 3 گرادۋسقا دەيىن ۇسىك ءجۇرۋى مۇمكىن، كۇندىز +7+12 °C دەيىن؛

وڭتۇستىك- باتىستا ونكۇندىكتىڭ ورتاسىندا تۇندە +5+12 °C دەيىن، كۇندىز +15+20 °C دەيىن تومەندەۋى كۇتىلەدى.

ءبىرىنشى ونكۇندىكتىڭ سوڭىندا اۋا تەمپەراتۋراسى الدىمەن قازاقستاننىڭ باتىسىندا، سودان كەيىن رەسپۋبليكانىڭ قالعان اۋماعىندا كوتەرىلەدى.

قازاننىڭ ەكىنشى جانە ءۇشىنشى ونكۇندىگىندە قازاقستان اۋماعىنىڭ باسىم بولىگىندە تۇراقسىز اۋا رايى بولجانادى:

جاڭبىر - نەگىزىنەن وڭتۇستىك جانە باتىس وڭىرلەردە، جاۋىن- شاشىن (جاڭبىردىڭ ارتى ىلعالدى قارعا اۋىسادى) - سولتۇستىك، ورتالىق، شىعىس وڭىرلەردە، سونداي-اق ەلدىڭ وڭتۇستىك- شىعىسىنىڭ تاۋلى جانە تاۋ بوكتەرىندەگى اۋداندارىندا بولجانادى. جىلۋ تولقىندارمەن جەكەلەگەن كۇندەرى ق ر وڭتۇستىك- باتىس، وڭتۇستىك جانە وڭتۇستىك- شىعىس جارتىسىندا كۇندىز اۋا تەمپەراتۋراسى +15+25 °C دەيىن، سولتۇستىكتە، ورتالىقتا جانە شىعىستا +10+20 °C دەيىن جىلىنۋى مۇمكىن.

سۋىق تولقىندارمەن اۋا تەمپەراتۋراسى: ق ر سولتۇستىك- باتىس، سولتۇستىك، ورتالىق جانە شىعىس وڭىرلەرىندە تۇندە -1-10 °C دەيىن، كۇندىز 0,+5 °C دەيىن؛ ەلىمىزدىڭ وڭتۇستىك جانە وڭتۇستىك- باتىس جارتىسىندا تۇندە -5+5 °C دەيىن، كۇندىز +2+10 °C دەيىن تومەندەۋى مۇمكىن.

سوڭعى جاڭالىقتار