+7 (701) 759 90 19
-7 °С : نۇر-سۇلتان
-10 °С : الماتى
USD 425.59 EUR 505.43
RUB 5.61 CNY 64.83
جاڭالىقتار

ەرلان قارين ۇلتتىق كەڭەس باستامالارىنىڭ قالاي جۇزەگە اسىرىلىپ جاتقانىن ايتتى

30 قىركۇيەك 22:15
:ءبولىسۋ
ەرلان قارين ۇلتتىق كەڭەس باستامالارىنىڭ قالاي جۇزەگە اسىرىلىپ جاتقانىن ايتتى

نۇر-سۇلتان. قازاقپارات - ق ر پرەزيدەنتىنىڭ كومەكشىسى ەرلان قارين ۇلتتىق قوعامدىق سەنىم كەڭەسىنىڭ باستامالارى قالاي جۇزەگە اسىرىلىپ جاتقانىن ايتتى، دەپ حابارلايدى قازاقپارات ءتىلشىسى.

«ۇلتتىق كەڭەستىڭ تاعى ءبىر باستاماسى جۇزەگە اسىرىلۋ ساتىسىندا تۇر. بۇگىن اۋىل شارۋاشىلىعى ءمينيسترى ساپارحان وماروۆ ۇلتتىق قوعامدىق سەنىم كەڭەسى مۇشەلەرىمەن ونلاين كەزدەسۋ بارىسىندا ۇلتتىق كەڭەستىڭ ەكىنشى وتىرىسىنداعى پرەزيدەنت تاپسىرماسىن جۇزەگە اسىرۋ ماقساتىندا «جەردى پايدالانۋ جانە قورعاۋدا مەملەكەتتىك باقىلاۋدى جەتىلدىرۋ ماسەلەلەرى بويىنشا ق ر- نىڭ كەيبىر زاڭنامالىق اكتىلەرىنە وزگەرىستەر مەن قوسىمشالار ەنگىزۋ تۋرالى» ق ر زاڭى جوباسىنىڭ ازىرلەنگەنىن ايتتى»، - دەپ جازدى ەرلان قارين Facebook-پاراقشاسىندا.

ونىڭ اتاپ وتۋىنشە، زاڭ جوباسى مۇددەلى مەملەكەتتىك ورگاندارمەن كەلىسۋ ساتىسىنا شىعارىلعان. تاياۋ ۋاقىتتا پرەمەر-مينيستر كەڭەسىنە، ودان ارى ق ر پارلامەنتى ماجىلىسىنە ەنگىزىلەتىن بولادى.

«وتكەن اپتادا ءماجىلىس اۋىل شارۋاشىلىعى ماقساتىنداعى جەردى پايدالانباعانى ءۇشىن بازالىق سالىقتىق مولشەرلەمەنى 10 نان 20 ەسەگە دەيىن ارتتىرۋدى كوزدەيتىن زاڭ جوباسىن ماقۇلدادى. بۇل شارالاردىڭ بارلىعىن دا ۇلتتىق كەڭەستىڭ 2-وتىرىسىندا پرەزيدەنت ايتقان ەدى. مىنە، وسىلاي اپتا سايىن ۇلتتىق كەڭەس اياسىندا جاريالانعان باستامالاردىڭ جۇزەگە اسىرىلۋى بارىسى تۋرالى جاڭا اقپاراتتار ءتۇسىپ جاتادى. باستامالاردىڭ باسىم بولىگىنىڭ جۇزەگە اسىرىلعانى بەلگىلى. ۇ ق س ك حاتشىلىعى قالعاندارىن مەملەكەتتىك ورگانداردىڭ ولاردى قالاي زەردەلەۋىن قاداعالاپ وتىر. سونىمەن قاتار مەملەكەتتىك ورگانداردىڭ باسشىلارمەن ونلاين فورماتىنداعى كەزدەسۋلەر جالعاسۋدا»، - دەدى ەرلان كارين.

ەسكە سالايىق، تاياۋدا ەرلان قارين اۋىلشارۋاشىلىق ماقساتتاعى جەردى پايدالانباعانى ءۇشىن بازالىق سالىقتىق مولشەرلەمەنى ارتتىرۋعا قاتىستى ۇلتتىق قوعامدىق سەنىم كەڭەسىنىڭ ۇسىنىسى تۋرالى ايتقان بولاتىن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات