+7 (701) 759 90 19
0 °С : نۇر-سۇلتان
20 °С : الماتى
USD 429.59 EUR 507.3
RUB 5.62 CNY 64.1
جاڭالىقتار

اباي «قارا سوزدەرى» العاش رەت يندونەزيا تىلىنە اۋدارىلدى

30 قىركۇيەك 21:30
:ءبولىسۋ
اباي «قارا سوزدەرى» العاش رەت يندونەزيا تىلىنە اۋدارىلدى

دجاكارتا. قازاقپارات - بۇگىن قازاقستان رەسپۋبليكاسىنىڭ يندونەزياداعى ەلشىلىگى ق ر ۇلتتىق اكادەميالىق كىتاپحاناسىمەن بىرگە ۇلى اباي «قارا سوزدەرىنىڭ» يندونەزيا تىلىنە اۋدارىلعان نۇسقاسىنىڭ ونلاين-تۇساۋكەسەرىن وتكىزدى، دەپ حابارلايدى قازاقپارات.

ق ر سىرتقى ىستەر مينيسترلىگىنەن ءمالىم ەتكەندەي، قازاق فيلوسوفى جانە اعارتۋشىسىنىڭ 175 جىلدىعىنا ارنالعان ونلاين-شاراعا قازاقستان، يندونەزيا جانە مالايزيادان قاتىسۋشىلار، سونىڭ ىشىندە قازاقستان مەن يندونەزيا ەلشىلەرى، يندونەزيا پارلامەنتىنىڭ وكىلدەرى، ەكى ەلدىڭ ۇلتتىق كىتاپحانالارىنىڭ باسشىلارى، يندونەزيا اكادەميالىق توپتارى، جازۋشىلار، سونىمەن قاتار يندونەزيا- قازاقستان دوستار كلۋبىنىڭ مۇشەلەرى قاتىستى.

قازاقستاننىڭ يندونەزياداعى ەلشىسى دانيار سارەكەنوۆ ءىس-شارانىڭ اشىلۋ سالتاناتىندا ابايدىڭ الەمنىڭ كوپتەگەن تىلدەرىنە اۋدارىلعان ەڭ جارقىن تۋىندىلارىنىڭ ءبىرى بولىپ تابىلاتىن «قارا سوزدەر» يندونەزيالىق وقىرماندار ءۇشىن العاش رەت ۇسىنىلىپ وتىرعانىن جانە ولار دانا اقىننىڭ شىعارمالارى ارقىلى قازاق حالقىنىڭ رۋحاني بايلىعى مەن مادەنيەتىن بىلە الاتىنىن اتاپ ءوتتى.

قازاقستاندىق ديپلومات «قارا سوزدەردىڭ» كوپتەگەن ويلارى مەن تۇجىرىمدارى ءالى كۇنگە وزەكتىلىگىن جوعالتپاعانىن جانە الەم حالىقتارىنىڭ ورتاق مۇراسى بولىپ تابىلاتىنىن باسا ايتتى.

كىتاپ كىرىسپەسىنىڭ اۆتورلارىنىڭ ءبىرى - يندونەزيانىڭ قازاقستانداعى ەلشىسى راحمات پرامونو - ءوز سوزىندە اباي شىعارمالارى ادامي قارىم-قاتىناستار تۋرالى كەشەندى ويلار جانە قوعام مەن ۇلتتىڭ ءومىرى بويىنشا فيلوسوفيالىق قورىتىندىلارى ەكەنىن اتاپ ءوتتى.

«كىتاپتىڭ يندونەزيا تىلىندە شىعۋى ەكى ەل حالىقتارى اراسىنداعى مادەني تۇسىنىستىكتى نىعايتۋعا ىقپال ەتەتىنىنە سەنىمدىمىن»، - دەپ قورىتىندىلادى يندونەزيالىق ديپلومات.

يندونەزيا رەسپۋبليكاسى پارلامەنتى وكىلدەر پالاتاسى پارلامەنتارالىق ىنتىماقتاستىق كوميتەتىنىڭ ءتوراعاسى، وكىلدەر پالاتاسىنىڭ بۇرىنعى ۆيتسە-سپيكەرى دوكتور فادلي زون قازاقتىڭ ۇلى اعارتۋشىسى جانە اقىنىنىڭ شىعارمالارىن يندونەزيا تىلىنە العاشقى اۋدارماسى ەكى ەل حالىقتارىنىڭ مادەني الماسۋى مەن ءوزارا تۇسىنىستىگىن ىلگەرىلەتۋدە ماڭىزدى ءرول اتقاراتىنىن اتاپ ءوتتى.

سونداي-اق بولاشاقتا قازاقستاندىق وقىرماندار يندونەزيانىڭ ايگىلى اقىندارى مەن ويشىلدارىنىڭ شىعارمالارىمەن تانىسا الادى دەپ سەنىم ءبىلدىردى.

نۇر-سۇلتانداعى ق ر ۇلتتىق اكادەميالىق كىتاپحاناسىنىڭ باسشىسى ءۇمىتحان مۇڭالبايەۆا قاتىسۋشىلارعا الەمدىك دەڭگەيدەگى قازاقتىڭ دانىشپانى سانالاتىن عۇلامانىڭ ومىرلىك جولى مەن رۋحاني ەڭبەگى تۋرالى تەرەڭ دە جان-جاقتى ماعلۇمات بەردى.

يندونەزيا ۇلتتىق كىتاپحاناسىنىڭ باسشىسى شاريف باندو ابايدىڭ يندونەزيا تىلىندەگى «قارا سوزدەردىڭ» اۋدارماسىنىڭ ءبىرىنشى باسىلىمىن قۋانا قارسى الدى جانە قازاقستان مەن يندونەزيا حالىقتارى اراسىنداعى مادەني ىنتىماقتاستىقتى جانە دوستىق بايلانىستى نىعايتۋ ماقساتىندا ەكى ەلدىڭ ۇلتتىق كىتاپحانالارى اراسىنداعى ءوزارا ءىس-قيمىلدى دامىتۋدىڭ ماڭىزدىلىعىن اتاپ ءوتتى.

ءىس-شارانىڭ جارقىن ساتتەرىنىڭ بىرىنە اينالعان قۇرمانبەك ءالىمعازى ۇلى مەن سەرىك ءابىلدىڭ ورىنداۋىنداعى ابايدىڭ ەڭ ايگىلى «كوزىمنىڭ قاراسى» جانە «جەلسىز تۇندە جارىق اي» اندەرى بولدى. يندونەزيا تىلىندەگى «قارا سوزدەردىڭ» اۋدارماسى ەكى ەلدىڭ ۇلتتىق كىتاپحانالارىنا تابىستالادى، سونداي-اق ولاردىڭ ەلەكتروندى كىتاپحانالارىندا ورنالاستىرىلاتىن بولادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات