قازاقستاندا نوبەل سىيلىعىنىڭ لاۋرەاتتارى قاتىساتىن ونلاين فەستيۆال وتەدى

None
None
نۇر-سۇلتان. قازاقپارات - قازاقستاندا 1-4- قازان ارالىعىندا ونلاين فورماتتا Central Asia Nobel Fest Live اتتى ءبىرىنشى عىلىمي فەستيۆال وتەدى.

وعان نوبەل سىيلىعىنىڭ لاۋرەاتتارى، تانىمال عالىمدار مەن ەكونوميستەر قاتىسىپ، مەديتسينا، جاساندى ينتەللەكتىنىڭ دامۋى جانە ونىڭ ەڭبەك نارىعىنا اسەرى جانە تاعى باسقا تاقىرىپتاردى تالقىلايدى.

بۇل شارانىڭ باستى ۇيىمداستىرۋشىسى ينكليۋزيۆتى دامۋ قورىنىڭ ايتۋىنشا، بۇل فەستيۆالدىڭ باستى ميسسياسى - عىلىمدى دامىتۋعا ارنالعان ايماقتىق پلاتفورمانى قۇرۋ جانە پلانەتانىڭ ەڭ اقىلدى ادامدارىمەن تاجىريبە الماسۋ. فەستيۆالدىڭ باستى تاقىرىبى مىناداي - «شەكسىز عىلىم: الەم قايدا بارا جاتىر؟».

قازىر ونلاين-فەستيۆالگە 20 ەلدىڭ 92 قالاسىنان 5000 نان استام قاتىسۋشى تىركەلدى، ونىڭ ىشىندە 104 ۋنيۆەرسيت وكىلى بار.

فەستيۆال سپيكەرلەرى اراسىندا نوبەل سىيلىعىنىڭ مىناداي لاۋرەاتتارى بار: ەكونوميكا بويىنشا - ەريك ماسكين، فيزيكا - دەۆيد گروسس، حيميا - جان-ماري لەن، مەديتسينا مەن فيزيولوگيا - ريچارد روبەرتس جانە الەم پرەمياسىنىڭ لاۋرەاتتارى - كايلاش ساتيارتحي، تاۆاككول كارمان جانە راە كۆون چۋنگ. ولاردىڭ دارىستەرى، دەباتتار، سۇحباتتار قازاق، ورىس تىلدەرىنە سينحرون تۇردە اۋدارىلىپ وتىرادى. فەستيۆال سايتىنا تىركەلگەن قاتىسۋشىلار سپيكەرگە سۇراق قويا الادى.

Central Asia Nobel Fest ق ر ءبىلىم جانە عىلىم مينيسترلىگى مەن اقپارات جانە قوعامدىق دامۋ مينيسترلىگىنىڭ قولداۋىمەن جاسالىپ جاتىر. فەستيۆالدىڭ تولىق باعدارلاماسىمەن جانە ەفيرلىك سەسسيالارىمەن وسى جەردە تانىسۋعا بولادى.

massaget.kz

سوڭعى جاڭالىقتار