+7 (701) 759 90 19
-7 °С : نۇر-سۇلتان
-10 °С : الماتى
USD 425.59 EUR 505.43
RUB 5.61 CNY 64.83
جاڭالىقتار

توقايەۆ كۋۆەيت امىرىنە كوڭىل ايتتى

30 قىركۇيەك 18:27
:ءبولىسۋ
توقايەۆ كۋۆەيت امىرىنە كوڭىل ايتتى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ كۋۆەيت مەملەكەتىنىڭ ءامىرى شەيح ناۋۋاف ءال-احماد ءال- دجابەر اس-ساباحقا كوڭىل ايتۋ جەدەلحاتىن جولدادى، دەپ حابارلايدى قازاقپارات.

اقوردادان ءمالىم ەتكەندەي، پرەزيدەنت قاسىم-جومارت توقايەۆ كۋۆەيت مەملەكەتىنىڭ ءامىرى شەيح ساباح ءال- احماد ءال- دجابەر اس- ساباحتىڭ ومىردەن وزعانى تۋرالى سۋىت حاباردى تەرەڭ كۇيزەلىسپەن قابىلدادى.

«شەيح ساباح پاراساتتى دا كورەگەن ساياساتكەر، بەيبىتسۇيگىش بىتىمگەر رەتىندە الەمگە تانىمال بولىپ، ونىڭ ايماقتىق قاۋىپسىزدىك پەن تۇراقتىلىقتى قامتاماسىز ەتۋگە جۇمساعان كۇش- جىگەرى حالىقارالىق قاۋىمداستىق تاراپىنان جوعارى باعاسىن العانى كەڭىنەن ءمالىم. باۋىرىڭىزدى بىرىككەن ۇلتتار ۇيىمى «گۋمانيتارلىق كوسەم» دەپ تانۋى دا وسىنىڭ ايقىن دالەلى ەكەنى ءسوزسىز. قازاقستاندىقتاردىڭ جادىندا شەيح ساباحتىڭ ەسىمى قازاقستان مەن كۋۆەيتتىڭ بەرىك دوستىعى مەن سان قىرلى ىنتىماقتاستىعىن دامىتۋعا سۇبەلى ۇلەس قوسقان قايراتكەر، وتانىن شەكسىز سۇيگەن ازامات رەتىندە ماڭگى ساقتالادى. قارالى ساتتە سىزگە جانە اۋلەتىڭىزگە، سونداي-اق بارشا وتانداستارىڭىزعا قازاقستان حالقىنىڭ جانە جەكە ءوزىمنىڭ اتىمنان قايعىلارىڭىزعا ورتاقتاسىپ، كوڭىل ايتامىن»، - دەلىنگەن جەدەلحاتتا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات