قازاقستاندىق بانكتەر نەسيەنى قاشىقتان بەرە باستايدى
بۇل سەرۆيس «بەت- الپەتتى تانۋ» تەحنولوگياسى ارقىلى قارجىلىق قىزمەتتى قاشىقتان الۋ مۇمكىندىگىن كوزدەيدى. ياعني قارجى ۇيىمىنا بارۋدىڭ قاجەتى جوق. كليەنتتەرگە بانك شوتتارى مەن دەپوزيتتەردى اشۋ، تولەم كارتوچكالارىن شىعارۋ، كرەديتتەۋ سياقتى قىزمەت تۇرلەرى كورسەتىلەدى.
«قاشىقتان بيومەتريالىق سايكەستەندىرۋدى ەنگىزۋ الەمدەگى كۇردەلى ەپيدەميولوگيالىق جاعدايدىڭ اياسىندا جاڭا ءقاۋىپ- قاتەرلەرگە جاۋاپ بەرەدى. سەرۆيستى قارجى قوعامداستىعىنىڭ پايدالانۋى حالىققا قاشىقتان كورسەتۋ تاسىلىمەن ۇسىنىلاتىن قىزمەتتەر ءتىزىمىن كەڭەيتەدى»، - دەدى ق ر ۇلتتىق بانكى ءتوراعاسىنىڭ ورىنباسارى ەسجان ءبىرتانوۆ.
اتاپ وتىلگەندەي، اتالمىش سەرۆيس بانكتەرگە، ساقتاندىرۋ كومپانيالارىنا، باعالى قاعازدار نارىعىنىڭ كاسىبي قاتىسۋشىلارىنا، تولەم جانە ميكروقارجى ۇيىمدارىنا قولجەتىمدى.
«سەرۆيستى ۇلتتىق بانك قارجى نارىعىنا قاتىسۋشىلارمەن بىرلەسىپ ازىرلەدى. جۇيە اعىمداعى جىلعى ساۋىردە پيلوتتىق رەجيمدى ىسكە قوسىلدى. وسى ۋاقىت ىشىندە سەرۆيس ەكىنشى دەڭگەيدەگى 11 بانككە حالىققا 2,8 ميلليون بانك قىزمەتىن كورسەتۋگە مۇمكىندىك بەردى. ق ر ۇلتتىق بانكى ىسكە اسىراتىن قاشىقتان سايكەستەندىرۋ تەتىگى قازاقستاننىڭ قارجى سەكتورىن سيفرلاندىرۋ جولىنداعى تاعى ءبىر قادام بولىپ تابىلادى. س د ا و سەرۆيسىنە قوسىلۋعا مۇددەلى بولعان جاعدايدا، قارجى نارىعىنا قاتىسۋشىلار 877272506626 تەلەفونى بويىنشا ق ب ە و- عا ءوتىنىش بەرە الادى»، - دەلىنگەن ۇلتتىق بانك اقپاراتىندا.
جۇيەنىڭ وپەراتورى - ۇلتتىق بانكتىڭ ەنشىلەس ۇيىمى «قازاقستان بانك ارالىق ەسەپ ايىرىسۋ ورتالىعى» ر م ك.
اۆتور: اياۋلىم التىنبەك