ۇلى بريتانيادا كوروناۆيرۋس جۇقتىرعاندار جانە ءولىم كۇرت ءوستى

None
None
لوندون. قازاقپارات – 10 اي بۇرىن جاڭا كوروناۆيرۋستىڭ قىتايلىق ۋحان قالاسىندا انىقتالعان كەزدەن بەرى بۇكىل الەم بويىنشا Covid-19 ينفەكتسياسىنان قۇربان بولعاندار سانى ءبىر ميلليونعا جەتتى.

بۇل تۋرالى قازاقپارات BBC اگەنتتىگىنە سىلتەمە جاساپ حابارلايدى.

سولتۇستىك امەريكادا 308 مىڭنان استام ادام، وڭتۇستىك امەريكادا 250 مىڭعا جۋىق ادام، ەۋروپادا 221 مىڭ ادام، ازيادا - 190 مىڭ ادام قايتىس بولدى. قاۋىپتى ۆيرۋستان ەڭ كوپ زارداپ شەككەن ەل – ا ق ش (210 مىڭداي ادام)، ەكىنشى ورىندا برازيليا (142 مىڭ ادام)، ودان كەيىن تىزىمدە ءۇندىستان (96 مىڭنان استام ادام)، مەكسيكا (76 مىڭنان استام ادام) جانە بريتانيا (42 مىڭنان استام ادام) تۇر. سەيسەنبى كۇنى بريتانيادا سوڭعى 28 كۇندە كوۆيد انىقتالعان تاعى 71 ادامنىڭ ءولىمى تىركەلگەن - بۇل سوڭعى بىرنەشە ايدىڭ ىشىندەگى ەڭ جوعارى كورسەتكىش.

بريتانيادا ۆيرۋستان قايتىس بولعانداردىڭ جالپى سانى - 42072 ادام. وتكەن تاۋلىك ىشىندە تاعى 7143 وقيعا انىقتالعان - بۇل بريتانياداعى جاپپاي تەستىلەۋ باستالعاننان بەرى ءبىر تاۋلىك ىشىندەگى رەكوردتىق كورسەتكىش. ساراپشىلار كوكتەمدە اۋرۋعا شالدىققاندار سانىنىڭ ءوسىمى الدەقايدا جوعارى بولعانىن، ءبىراق سول كەزدە تەستىلەۋ كوبىنەسە اۋرۋدىڭ اۋىر بەلگىلەرى بولعان ادامدارعا عانا جۇرگىزىلگەنىن شامالاپ وتىر. بريتانيادا كوۆيد دياگنوزى 439 ادامنان راستالعان.

پاندەميا باستالعاننان بەرى، 188 ەلدە 33,5 مىڭنان استام اادم اۋرۋعا شالدىقتى. 25 ميلليون جۋىق ادام جازىلىپ شىققان، شامامەن 7,5 ميلليون ادام قازىرگى كەزدە ەم قابىلداپ جاتىر، سونىڭ ىشىندە 65,3 مىڭ ادام اۋىر نەمەسە وتە اۋىر حالدە جاتىر.

«ولىم دەڭگەيىنىڭ تومەندەيتىن بەلگىلەرى جوق. وكىنىشكە قاراي، ول ۆاكتسينا پايدا بولماعانشا سول دەڭگەيدە قالىپ وتىراتىن شىعار»، - دەپ ءمالىم ەتتى بي- بي- سي اگەنتتىگىنە مەلبۋرن قالاسىنداعى تۇرعىندار مەن جاھاندىق دەنساۋلىق مەكتەبىنىڭ باسشىسى نەنسي باكستەر.

ەسكە سالساق، انگليادا كارانتين تالاپتارىن بۇزعاندارعا 10 مىڭ فۋنتقا دەيىن ايىپپۇل سالىنباق.

سوڭعى جاڭالىقتار