جاڭا سالىنعان ۇيلەرگە ينتەرنەت تارتۋ مىندەتى زاڭ جۇزىندە بەكىتىلۋى مۇمكىن

None
None
نۇر- سۇلتان. قازاقپارات - سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى حالىقتى ينتەرنەتپەن قامتاماسىز ەتۋ ءۇشىن ءبىرشاما زاڭنامالىق وزگەرىستەردى دايىنداپ جاتىر، دەپ حابارلايدى قازاقپارات ءتىلشىسى.

«ينتەرنەت، گاز، ەلەكتروەنەرگيا، سۋ تۇرعىندار ءۇشىن ءبىرىنشى قاجەتتى زاتتار. سول سەبەپتەن ءبىز ءبىراز زاڭنامالىق وزگەرىستەر جاساۋدامىز. اتاپ ايتقاندا كوندومينيمۋمدەرگە بايلانىس نىساندارىن الىپ تاستاۋعا تىيىم سالۋ كەرەك. جاڭا ۇيلەردى پايدالانۋعا بەرۋ الدىندا مىندەتتى تۇردە ونى وپتيكا جەلىسىمەن قامتاماسىز ەتكەن ابزال. سونداي- اق ينتەرنەتتىڭ جىلدامدىعى تۋرالى ساپا تالاپتارىن بەكىتكەن ءجون»، - دەدى باعدات مۋسين ۇكىمەت وتىرىسىندا.

ونىڭ ايتۋىنشا جالپى بۇل رەتتە مەملەكەتتىك ورگاننىڭ ءرولى كۇشەيتىلەدى.

«ينتەرنەت ساپاسىنا حالىقتىڭ باقىلاۋىن جۇرگىزۋ ءۇشىن Bailanys.bar قىزمەتى ىسكە قوسىلدى. قازىرگى ۋاقىتتا ونى 50 مىڭنان استام ادام قولدانۋدا. سونىمەن قاتار، مەملەكەتتىك باقىلاۋ ماقساتىندا 17 جىلجىمالى ولشەۋ كەشەندەرى ساتىپ الىنىپ جاتىر. سونىڭ ناتيجەسىندە حالىقتىق جانە مەملەكەتتىك باقىلاۋدىڭ دەرەكتەرى ءبىر جۇيەگە جينالىپ، ارى قاراي وپەراتورلارمەن جۇمىس ىستەۋ مۇمكىندىگىنە يە بولامىز»، - دەدى ول.

سوڭعى جاڭالىقتار