بارلىق ايماقتا كومىر تاپشىلىعى جوق - بەيبىت اتامقۇلوۆ

نۇر- سۇلتان. قازاقپارات - اكىمدىكتەر اۆتونومدى قازاندىقتار ءۇشىن وتىندى ۋاقتىلى ساتىپ الۋ جانە اكەلۋ جونىندە شۇعىل شارالار قابىلداۋى قاجەت.

بۇل تۋرالى بۇگىن ۇكىمەت وتىرىسىندا ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى، دەپ حابارلايدى قازاقپارات ءتىلشىسى.

«الداعى جىلىتۋ ماۋسىمىنا وتىن قاجەتتىلىگى 1237 مىڭ توننا كومىر مەن 214 مىڭ توننا مازۋتتى قۇرايدى. بۇگىنگى كۇنى 1139 مىڭ توننا كومىر جانە 144 مىڭ توننا مازۋت دايىندالدى. قازاندىقتار ءۇشىن مازۋتتى ساتىپ الۋدىڭ قارقىنى اقمولا، جامبىل وبلىستارىندا تومەن ەكەنى بايقالادى. اكىمدىكتەر اۆتونومدى قازاندىقتار ءۇشىن وتىندى ۋاقتىلى ساتىپ الۋ جانە اكەلۋ جونىندە شۇعىل شارالار قابىلداۋى قاجەت»، - دەدى بەيبىت اتامقۇلوۆ.

ونىڭ ايتۋىنشا، كومىر ءوندىرۋشى كومپانيالار 2020 -جىلدىڭ 8ايىندا 69 ميلليون توننا كومىر ءوندىردى، بۇل وتكەن جىلدىڭ ءتيىستى كەزەڭىنە سايكەس كەلەدى. كومىردى ەكسپورتتاۋ 18,5 ميلليون توننانى قۇرادى.

«2020-2021 -جىلدارداعى كەزەڭدە كوممۋنالدىق- تۇرمىستىق مۇقتاجدىقتار مەن حالىققا ارنالعان كومىر تۇتىنۋ كولەمى شامامەن 10 ميلليون توننانى قۇرادى، ونىڭ ىشىندە كوممۋنالدىق- تۇرمىستىق سەكتورعا 2,8 ميلليون توننا، تۇرعىندار - 7,2 ميلليون توننا بولادى. 2020 -جىلعى 28 -قىركۇيەكتەگى جاعداي بويىنشا جالپى جوسپارعا سايكەس كومىر قورىمەن كوممۋنالدىق- تۇرمىستىق سەكتور 76، تۇرعىندار 65 پايىز قامتاماسىز ەتىلدى. بارلىق ايماقتاردا كومىر قورى دايىندالعان جانە تاپشىلىق جوق. وڭىرلەر كومىردى كەستەگە سايكەس جەتكىزىپ جاتىر»، - دەدى مينيستر.

بەيبىت اتامقۇلوۆتىڭ ايتۋىنشا، جىلۋ بەرۋ ماۋسىمىنا دايىندىق باستالعاننان باستاپ وسى جىلدىڭ 1 - مامىرىنان وسى كۇنگە دەيىن تەمىرجول كولىگىمەن 22,1 ميلليون توننا كومىر تاسىمالداندى. «بۇل 2019 -جىلدىڭ ءتيىستى كەزەڭىندەگى كورسەتكىشتەن 0,4 پايىزعا ارتىق. تەمىر جول كولىگىنىڭ پاركى قاجەتتىلىكتى تولىق قامتاماسىز ەتەدى»، - دەدى ول.