10:20, 30 - قىركۇيەك 2020 | GMT +6
كوروناۆيرۋس قايتا ءورشىپ كەتكەن ەلدەر كارانتيندى قايتا ەنگىزۋدە - ۇكىمەت وتىرىسى
نۇر- سۇلتان. قازاقپارات - دەنساۋلىق ساقتاۋ ءمينيسترى الەكسەي سوي كوروناۆيرۋس قايتادان ءورشىپ بارا جاتقان مەملەكەتتەردى اتادى، دەپ حابارلايدى قازاقپارات ءتىلشىسى.
«قازىرگى ۋاقىتتا كوروناۆيرۋس ينفەكتسياسىن جۇقتىرۋ جانە ودان كەلگەن ءولىم بويىنشا الەمدىك جاعداي كۇردەلى كۇيدە قالىپ وتىر. ەۋروپا مەن ازيانىڭ ءبىرقاتار مەملەكەتىندە اۋرۋدى جۇقتىرۋ جاعدايى ارتىپ بارادى. ماسەلەن وتكەن اپتادا كوروناۆيرۋستى جۇقتىرۋ جاعدايى يتاليادا، گەرمانيا، بەلارۋس، تۇركيا جانە ەۋروپانىڭ تاعى باسقا ەلدەرىندە بايقالدى. رەسەيدە ىندەتتى جۇقتىرۋ كورسەتكىشى 0,6-0,7 پايىزعا ءوستى. بۇل - قازاقستانداعى كورسەتكىشتەن قاراعاندا 10 ەسە كوپ»، - دەدى الەكسەي سوي ۇكىمەت وتىرىسىندا.
ونىڭ ايتۋىنشا كوروناۆيرۋس قايتا ءورشىپ كەتكەن ەلدەردە كارانتين قايتادان ەنگىزىلىپ جاتىر.
«كوروناۆيرۋستىڭ الدىن الۋدىڭ بىردەن- ءبىر ءتيىمدى جولى - كارانتين ەكەنىن وسى جاعداي كورسەتىپ وتىر» ، - دەدى ول.