گەرمانيادا كوروناۆيرۋسپەن كۇرەستىڭ جاڭا شارالارى ەنگىزىلىپ جاتىر
كەزدەسۋ بۇكىل گەرمانيا بويىنشا COVID-19 جۇقتىرۋ وقيعالارىنىڭ وسىمىنە بايلانىستى وتكىزىلگەن. سوڭعى تاۋلىكتە گ ف ر دەنساۋلىق ساقتاۋ ورگاندارى كوروناۆيرۋسقا شالدىعۋدىڭ 2000 نان استام جاڭا وقيعاسىن تىركەگەن. كانتسلەر ا. مەركەل گەرمانيادا اۋرۋ جۇقتىرۋدىڭ مۇنداي قارقىنىمەن جىلدىڭ سوڭىنا قاراي كورسەتكىش كۇنىنە 19 مىڭنان استام وقيعاعا دەيىن جەتە الاتىنىن ەسكەرتتى. ونىڭ ايتۋىنشا، جاڭا شارالاردىڭ ماقساتى - بيلىكتىڭ قاۋىپتى ينفەكتسيا ءوسىمىنىڭ الدىن الىپ، ۇلتتىق وقشاۋلاۋدى بولدىرماۋ.
«ءبىز ايماقتىق دەڭگەيدە، ناقتى ءارى ماقساتتى تۇردە ارەكەت ەتكىمىز كەلەدى، ەلىمىزدە تاعى دا شەكتەۋ ەنگىزىلگەنىن قالامايمىز - وعان جول بەرىلمەۋى ءتيىس»، - دەپ مالىمدەدى ا. مەركەل باسپا ءسوز كونفەرەنتسياسىندا.
ۇلتتىق دەڭگەيدەگى كەڭەس قاتىسۋشىلارى ىندەتتى جۇقتىرۋ قاۋپى جوعارى اۋدانداردا كوڭىل كوتەرۋ كەشتەرىن وتكىزۋدى شەكتەۋگە كەلىستى. جەتى كۇن ىشىندە 100000 ادامعا شاققاندا اۋرۋ جۇقتىرۋدىڭ 35 مىڭ وقيعاسى تىركەلگەن اۋدانداردا جەكەمەنشىك كوڭىل كوتەرۋ كەشتەرىنىڭ سانى 25 ادامعا دەيىن، ال قوعامدىق ورىندارداعى جينالىس سانى ەندى 50 گە دەيىن شەكتەلگەن. بۇكىل گەرمانيا بويىنشا ۇيلەنۋ تويلارى، كوڭىل كوتەرۋ كەشتەرى مەن باسقا دا جەكە ۇيىمداستىرىلعان شارالار COVID-19 جۇقتىرۋ وقيعالارىنىڭ وسىمىنە اكەلەتىن وشاقتار بولىپ سانالادى. وسىلايشا، ەلدە حالىق ەڭ تىعىز ورنالاسقان سولتۇستىك رەين- ۆەستفالياداعى حامم قالاسىندا وتكەن ۇيلەنۋ تويىندا 100 دەن استام ادام، سونىڭ ىشىندە 40 بالا ىندەت جۇقتىردى.
«ءبىز كوپ نارسەنى ۇيرەنىپ، جازدىڭ ىشىندە ك ۆ ي- عا قارسى كۇرەس جۇرگىزۋدى ۇيرەندىك»، - دەپ اتاپ ءوتتى ا. مەركەل.
الايدا ول كۇز بەن قىس الدىندا اۋرۋ جۇقتىرۋ سانىنىڭ ءوسىمى الاڭداۋشىلىق تۋدىرتىپ وتىرعانىن ءبىلدىردى. ولاي بولعانىمەن، گ ف ر بيلىگى ەكونوميكانىڭ قىزمەتىن، بالاباقشالار مەن مەكتەپتەردىڭ جۇمىسىن توقتاتپاۋىن ەل ۇكىمەتىنىڭ باستى باسىمدىعى رەتىندە سانايدى. بۇدان باسقا، 16 فەدەرالدىق جەردىڭ بارلىعىندا ەندى ينفەكتسيانىڭ تارالۋىنا جول بەرمەۋ ءۇشىن مەيرامحانالار مەن بارلاردا الكوگول ونىمدەرىن ساتۋعا تىيىم سالىنادى. كانتسلەر ا. مەركەل مەن گ ف ر جەرلەرىنىڭ ۇكىمەت باسشىلارى ازاماتتاردى وسى كۇزدە قاۋىپتى ايماقتارعا ساپار جاساماۋعا شاقىردى. گەرمانيامەن كورشىلەس بىرنەشە ەل - بەلگيا، نيدەرلاندى جانە فرانتسيادا دا ىندەت جۇقتىرۋدىڭ ءوسىمى بايقالۋدا. ا. مەركەل گەرمانيا ۇكىمەتىنىڭ ە و- نىڭ باسقا ەلدەرىمەن زارداپتاردى جۇمسارتۋ بويىنشا شارالار قولداناتىنىن اتاپ ءوتتى.