كارانتين: دەنساۋلىق ساقتاۋ ءمينيسترى اۋە قاتىناستارىن شەكتەۋدى ۇسىندى

نۇر- سۇلتان. قازاقپارات - دەنساۋلىق ساقتاۋ ءمينيسترى الەكسەي سوي ەلدە كوروناۆيرۋس ينفەكتسياسىنىڭ تارالۋىنا جول بەرمەۋ ءۇشىن ۇكىمەتكە ءبىرقاتار شارا قابىلداۋدى ۇسىندى، دەپ حابارلايدى قازاقپارات ءتىلشىسى.

«شەت ەلدەردە كوروناۆيرۋس ينفەكتسياىنىڭ تاراۋى بويىنشا جاعدايدىڭ كۇردەلەنىپ بارا جاتقانىن ەسكەرە وتىرىپ، ينفەكتسيانىڭ ەل ىشىندە تارالۋىنا جول بەرمەۋ ءۇشىن 5-قازاننان باستاپ باسقا ەلدەرمەن قوسىمشا اۋە قاتىناستارىن جانداندىرۋدى توقتاتۋ ۇسىنىلادى. سونىمەن بىرگە، بۇگىنگە دەيىن اۋە قاتىناستارى رەتكە كەلتىرىلگەن ەلدەرمەن اۋە رەيستەرىن ارتتىرماۋدى، ودان بولەك تۇركيا رەسپۋبليكاسىنا رەيستەر سانىن ازايتۋدى ۇسىنامىز. ەكىنشى ساناتقا جاتاتىن مەملەكەتتەردەن كەلەتىن ادامدارعا كەلەسى تالاپتاردى مىندەتتەۋ كەرەك: تەرمومەتريا، انكەتالاۋ، كوروناۆيرۋس بويىنشا تەستتەن وتكەنى تۋرالى مەرزىمى كورسەتىلگەن انىقتاما (3 تاۋلىك بۇرىنعى) . انىقتاما بولماعان جاعدايدا كەلگەن ادامدار كارانتيندىك ستاتسيونارلاردا ەكى اپتاعا دەيىن وقشاۋلانادى»، - دەدى الەكسەي سوي ۇكىمەت وتىرىسىندا.

سونىمەن قاتار، مينيستر ءدال وسى تالاپتاردى شەكارالىق بەكەتتەر ارقىلى ەلگە كىرەتىن ادامدارعا قولدانۋدى سۇرادى.