13:02, 30 - قىركۇيەك 2020 | GMT +6
قازاقستاندا كۇزگى كانيكۋلدىڭ ۋاقىتى بەلگىلى بولدى
نۇر-سۇلتان. قازاقپارات - قازاقستاندا كانيكۋل كەرى شەگەرىلمەيدى. وقۋشىلار بۇرىنعىداي دەمالاتىن بولادى، دەپ حابارلايدى ءبىلىم جانە عىلىم مينيسترلىگىنىڭ باسپا ءسوز قىزمەتى.
«كانيكۋل ۋاقىتىن اۋىستىرۋ جوسپارلانباعان. ادەتتەگىدەي ءبىرىنشى توقساننىڭ سوڭىندا 5-15 قاراشا ارالىعىندا وتەتىن بولادى»، - دەيدى مينيسترلىك.
بۇعان دەيىن الەۋمەتتىك جەلىلەر مەن اتا- انالاردىڭ توپتارىندا دەمالىس 5-18 - قازانعا اۋىستىرىلعانى تۋرالى اقپارات تاراعان بولاتىن. الايدا اقپارات شىندىققا جاناسپايتىن بولىپ شىقتى.
بەلگىلى بولعانداي، كانيكۋل ۋاقىتىن اۋىستىرۋ تۋرالى شەشىم ماسكەۋدە قابىلدانعان. ماسكەۋ ءمەرى دەمالىستى 5-18- قازانعا اۋىستىرعان.