قازاقستان عالىمدارى ءدارى- دارمەكتىڭ دوزاسىن ءدال ەسەپتەيتىن د ن ق- تەست ازىرلەدى
«ق ر ب ع م عىلىم كوميتەتى ۇلتتىق بيوتەحنولوگيا ورتالىعىنىڭ ۇجىمدىق پايدالانۋداعى ۇلتتىق عىلىمي زەرتحانادا بيولوگيا عىلىمدارىنىڭ كانديداتى ەلەنا جولدىبايەۆانىڭ جەتەكشىلىگىمەن قازاقستاندا جۇرەك- قان تامىرلارى اۋرۋلارىن ەمدەۋ كەزىندە كەڭىنەن تاعايىندالاتىن «ۆارفارين» جانە «پلاۆيكس» ترومبوليتيكالىق پرەپاراتتارىنىڭ جەكە دوزاسىن تاڭداۋعا ارنالعان جەدەل د ن ق- تەست ازىرلەندى. ازىرلەنگەن د ن ق- تەست پاتسيەنتتىڭ گەنەتيكالىق تالداۋى نەگىزىندە ءدارى- دارمەكتىڭ جەكە دوزاسىن ءدال ەسەپتەۋگە مۇمكىندىك بەرەدى»، - دەلىنگەن عىلىم كوميتەتى تاراتقان اقپاراتتا.
ۆەدومستۆو مالىمەتىنشە، بۇل پرەپارات مولشەردەن تىس دوزالانۋ قاۋپىن ايتارلىقتاي ازايتادى جانە تاعايىندالعان دوزانىڭ جەتكىلىكسىزدىگىنە بايلانىستى ءتيىمسىز ەمدى جويادى. تەست- جۇيەنىڭ بىرەگەيلىگى - ول قازاقستاننىڭ كەز كەلگەن دياگنوستيكالىق زەرتحاناسىندا بار قولجەتىمدى جابدىقپەن (ناقتى ۋاقىت رەجيمىندەگى امپليفيكاتور) ۇيلەسەدى. ال الىس شەتەلدەردە وسىعان ۇقساس جۇيەلەر قىمبات تۇراتىن د ن ق- چيپتەردى قولدانۋ ارقىلى جۇمىس ىستەيدى. قازىرگى تاڭدا د ن ق- تەست نۇر- سۇلتان قالاسى اۋرۋحانالارىندا ەمدەلىپ جاتقان ناۋقاستار ءۇشىن قولدانىلادى. عالىمدار بۇكىل قازاقستاندى قامتۋدى جانە ونەركاسىپتىك اۋقىمدا د ن ق تەستەرىن جەتكىزۋدى جوسپارلاپ وتىر.