ەۋرازيا ۇلتتىق ۋنيۆەرسيتەتىنىڭ مارتەبەسى اۋىستى
كەزدەسۋدە اتا-انالار، وقۋشىلار، جۇمىس بەرۋشىلەر، عىلىمي-پەداگوگيكالىق قوعامداستىق پەن بۇقارالىق اقپارات قۇرالدارىنىڭ وكىلدەرىمەن ءبىلىم بەرۋ، عىلىمي-زەرتتەۋ جانە تاربيە قىزمەتى ماسەلەلەرى تالقىلاندى.
ەرلان سىدىقوۆ العاش رەت پاندەميا جاعدايىندا ءوتىپ وتىرعان ەسەپ بەرۋ كەزدەسۋىن كارانتين جانە شەكتەۋ شارالارى اياسىندا ە ۇ ۋ- داعى وزگەرىستەر تۋرالى مالىمەت بەرۋدەن باستادى.
وتكەن وقۋ جىلىنىڭ ەرەكشەلىگى - وبەكتيۆتى جاعدايعا بايلانىستى قاشىقتان ءبىلىم بەرۋگە كوشۋ بولدى، - دەپ باستادى ءوز بايانداماسىن ەرلان سىدىقوۆ.
- بۇل تەك ءبىلىم بەرۋ ۇدەرىسىن عانا ەمەس، قىزمەتتىڭ بارلىق باعىتتارىن ىسكە اسىرۋعا ايتارلىقتاي وزگەرىس اكەلدى. الەمنىڭ بارلىق جوعارى وقۋ ورىندارى وسىنداي جاعدايدى باستان كەشىپ جاتىر. ە ۇ ۋ بۇل سىناقتى ويداعىداي جەڭدى جانە جەڭىپ كەلەدى دەپ سەنىممەن ايتا الامىن. ۋنيۆەرسيتەتتىڭ پاندەميا جاعدايىندا وقۋ ۇدەرىسىن ءبىر كۇن دە توقتاتپاۋى - باسقا باعىتتاعى قىزمەتتەردىڭ ءوز دەڭگەيىندە ءجۇرۋى دەگەن ءسوز. ماسەلەن، ديستانت فورماتىندا وقىتۋدى جانە جۇمىس ىستەۋدى قامتاماسىز ەتۋ ءۇشىن ارنايى جابدىقتار ساتىپ الىندى، «ە ۇ ۋ- دى سيفرلىق ۋنيۆەرسيتەتكە ترانسفورماتسيالاۋ» جول كارتاسى جانە 2020-2022-جىلدارعا ارنالعان سيفرلىق ەكوجۇيەنى دامىتۋ كارتاسى بەكىتىلدى.
سودان كەيىن بيىلعى اسا ماڭىزدى وزگەرىس - ە ۇ ۋ- دىڭ كوممەرتسيالىق ەمەس اكتسيونەرلىك قوعام (ك ە ا ق) مارتەبەسىنە كوشۋى.
قازىر جاڭا جارعى بەكىتىلىپ، ديرەكتورلار كەڭەسى قۇرىلۋدا. ە ۇ ۋ ك ە ا ق رەتىندە جاڭا مۇمكىندىكتەرى اشىلادى. مىسالى، ينۆەستيتسيالىق جوبالاردى ىسكە اسىرۋ، سونىڭ ىشىندە وتاندىق جانە شەتەلدىك ۇيىمداردان قارجىلىق رەسۋرستار تارتۋ پەرسپەكتيۆالارى جاندانادى. سونداي-اق ك ە ا ق ەنداۋمەنتتەر مەن ۆەنچۋرلىك قورلار قۇرۋعا مۇمكىندىك بەرەدى. شەتەلدە فيليال اشۋ قۇقىعى دا بار، - دەدى رەكتور.
baq.kz