الماتىدا شەتەلدىك باپكەردى ءۇي قىزمەتشىسى توناپ كەتتى

الماتى. قازاقپارات - الماتىدا ءۇي قىزمەتشىسى شەتەلدىك جاتتىقتىرۋشىنى توناپ كەتكەن، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتىنىڭ مالىمەتىنشە، سەمسەرلەسۋدەن قازاقستان وليمپيادا قۇراماسىنىڭ 60 جاستاعى جاتتىقتىرۋشىسى، كوپ مولشەردە اقشا ۇرلانعانى تۋرالى ارىزدانعان.

«ماجارستان ازاماتىنىڭ ايتۋىنشا، ۇيدەن 1 مىڭ ەكرودان استام قاراجات جوعالعان. ءبىرىنشى كەزەكتە، ءبىز، شەتەلدىكتىڭ ۇيىنە كىرەتىن ادامداردى تەكسەردىك. تولىق تەكسەرۋدەن كەيىن كۇدىكتىلەردىڭ ءتىزىمىن جاسادىق. وسىلايشا ءبىز ءۇيىن تازالاعان ايەلدى انىقتاي الدىق. جەدەل تۇردە كۇدىكتىنىڭ اقشانى ايىرباستاعان جەرى انىقتالدى. قاجەتتى دالەلدەر جينالعاننان كەيىن ول قاماۋعا الىندى. ءۇي تازالاۋشى كىناسىن بىردەن مويىندادى»، - دەدى المالى اۋداندىق پوليتسيا باسقارماسىنىڭ باستىعى ەسەن ىسقاقوۆ.

سپيكەر، بۇل فاكتى بويىنشا قىلمىستىق كودەكستىڭ 188-بابى بويىنشا سوتقا دەيىنگى تەرگەۋ امالدارى جۇرگىزىلىپ جاتقانىن اتاپ ءوتتى.