قازاق تىلىندەگى عىلىمي ادەبيەتتەردىڭ قورى مىڭعا جەتۋى كەرەك - شەرۋباي قۇرمانباي ۇلى
بۇل تۋرالى «قازاق تىلىندەگى 100 جاڭا وقۋلىق: پراگماتيزم مەن سانانىڭ اشىقتىعىنا اپارار جول» تاقىرىبىندا وتكەن ونلاين كونفەرەنسيادا ايتىلدى، دەپ حابارلايدى قازاقپارات ءتىلشىسى.
«وزىق ءبىلىم بەرگىسى كەلەتىن ۋنيۆەرسيتەتتەر عىلىمي مازمۇننىڭ، عىلىمي كونتەنتتىڭ، عىلىمي ادەبيەتتىڭ، عىلىمي وقۋلىقتىڭ بولۋىنا مۇددەلى. ەگەر ۇلت تىلىندە عىلىمي ادەبيەت قورى قالىپتاساتىن بولسا - قازاق ءتىلىنىڭ عىلىم سالاسىنداعى قولدانىسى كەڭەيەدى»، - دەيدى فيلولوگيا عىلىمدارىنىڭ دوكتورى، پروفەسسور، ق ر ۇلتتىق عىلىم اكادەمياسىنىڭ كوررەسپوندەنت مۇشەسى شەرۋباي قۇرمانباي ۇلى.
ونىڭ ايتۋىنشا، عىلىمي ادەبيەتتى شەت تىلىنەن اۋدارۋدىڭ ماڭىزى وتە جوعارى.
«قازاق تىلىندەگى عىلىمي ادەبيەتتەردىڭ قورى 100 عانا كىتاپپەن شەكتەلمەۋى كەرەك. بولاشاقتا ونىڭ سانى جۇزدەگەن، مىڭداعان كىتاپ بولۋى كەرەك، سوندا عانا قازاق ءتىلدى كەز كەلگەن وقىرمان، كەز كەلگەن تۇتىنۋشى مەديتسينا، حيميا، بيولوگيا، ونەر، كينو سالاسىنا قاتىستى ءبىلىمدى ءوز انا تىلىندە الۋعا مۇمكىندىك تۋادى»، - دەيدى ول.