نۇرسۇلتان نازاربايەۆ «شىمكەنت ەسكى قالاشىعى» ارحەولوگيالىق نىسانىندا بولدى
كونە قالاشىقتى ارالاپ كورۋ كەزىندە ەلباسى ارحەولوگيالىق جۇمىستاردىڭ ناتيجەلەرىمەن جانە مادەني كەشەندى ودان ءارى دامىتۋ جوسپارلارىمەن تانىستى. ۇسىنىلعان اقپاراتقا سايكەس، 2021 -جىلى كەشەن اۋماعىندا ءۇش دەڭگەيلى ورتاعاسىرلىق مۇراجاي مەن 500 ورىندىق امفيتەاتردىڭ قۇرىلىسى باستالادى.
سونداي- اق شارا اياسىندا قالا اكىمى م. ايتەنوۆ شىمكەنتتىڭ تۋريستىك الەۋەتى مەن ونىڭ دامۋ پەرسپەكتيۆالارى تۋرالى ايتىپ بەردى.
ايتا كەتەرلىگى، شىمكەنت ەسكى قالاشىعى - بۇل قازاقستان رەسپۋبليكاسىنىڭ جەرگىلىكتى ماڭىزى بار تاريحي جانە مادەني ەسكەرتكىشتەردىڭ مەملەكەتتىك تىزىمىنە ەنگىزىلگەن ارحەولوگيالىق نىسان. جالپى قالاشىقتا ءۇش ستراتيگرافيالىق قازبا جاسالعان. قالاشىقتىڭ مادەني قاباتتارى 14 مەتردى قۇرايدى. قالاشىقتىڭ ەڭ تومەنگى قاباتىندا ب. ز. د. Ⅲ ع. سوڭى - ب. ز. د. Ⅱ ع. باسىنا ءتان كەراميكا كەشەنى بار. ول سوعدىنىڭ ۋربانيزاتسيالانعان قونىستارىنا سايكەس كەلەدى.