+7 (701) 759 90 19
-2 °С : نۇر-سۇلتان
2 °С : الماتى
USD 432.23 EUR 506.79
RUB 5.45 CNY 64.44
جاڭالىقتار

قازاقستان اسكەريلەرى قازان ايىندا قورىتىندى تەكسەرۋدەن وتەدى

29 قىركۇيەك 18:24
:ءبولىسۋ
قازاقستان اسكەريلەرى قازان ايىندا قورىتىندى تەكسەرۋدەن وتەدى

نۇر- سۇلتان. قازاقپارات - قورعانىس مينيسترلىگىندە اپپاراتتىق كەڭەس ءوتتى. ونىڭ بارىسىندا تاياۋ كەزەڭگە مىندەتتەر قويىلدى، دەپ حابارلايدى قازاقپارات.

«اپپاراتتىق كەڭەستە ەڭ الدىمەن، باسشىلىق قۇراممەن وتكەن «الداسپان-2020» جەدەل- تاكتيكالىق كوماندالىق- شتابتىق وقۋ- جاتتىعۋ قورىتىندىسى شىعارىلدى. اتالمىش وقۋ- جاتتىعۋدى وتكىزۋ بارىسىندا الىنعان تاجىريبەنى بەلسەندى ەنگىزۋگە نۇسقاۋ بەرىلدى. بۇل، ەڭ الدىمەن، اسكەرلەر توبىن قولدانۋ فورمالارىنا، بولىمشەلەردىڭ ءىس- قيمىل ادىستەرىنە جانە باعىنىستى كۇشتەر مەن قۇرالداردى باسقارۋداعى ورگاندار جۇمىسىنا قاتىستى بولماق»، - دەلىنگەن ق ر قورعانىس مينيسترلىگىنىڭ باسپا ءسوز قىزمەتى مالىمەتىندە.

جەكە قۇرامدى اۋىستىرۋ ءۇشىن ارنايى وپەراتسيالار بارىسىندا اسكەري- كولىك اۆياتسياسىن پايدالانۋدى جەتىلدىرۋ جولدارى بەلگىلەنگەن. پاراشيۋتپەن دەسانت ءتۇسىرۋدى قازىرگىدەي تەك تىكۇشاقتاردان عانا ەمەس، قازاقستان ارمياسىنىڭ ەنشىسىندەگى س ي-295 ۇشاقتارىنان دا جۇزەگە اسىرۋ مۇمكىندىگىن قاراستىرۋ تاپسىرىلدى. دەسانتتىق- شابۋىلداۋ اسكەرلەرى مەن ارنايى وپەراتسيالار كۇشتەرىنىڭ قولباسشىلىعى الداعى ءىرى ءىس- شارالار جوسپارلارىن تولىق جانە ساپالى ىسكە اسىرۋ جونىندە تاپسىرما الدى.

بۇل تىلەنديەۆ اۋىلىنداعى وقۋ ورتالىعىندا وتەتىن كەشەندى بىتىمگەرشىلىك وقۋ- جاتتىعۋى مەن «التىن جەبە» ارنايى وپەراتسيالار كۇشتەرىنىڭ كومپونەنتتەرىن تەكسەرۋ. «ءىس- شارالار بارىسىندا نەمقۇرايلىلىققا جول بەرۋگە بولمايدى، بارلىق وقۋ- جاۋىنگەرلىك مىندەتتەر تولىق كولەمدە ورىندالۋى ءتيىس»، - دەپ اتاپ ءوتتى قورعانىس ءمينيسترى نۇرلان ەرمەكبايەۆ.

كەڭەستە پوليگونداردا اتىس پەن وقۋ- جاتتىعۋلاردى وتكىزۋ كەزىندە اسكەري قىزمەتشىلەر مەن حالىقتىڭ قاۋىپسىزدىگىن قامتاماسىز ەتۋ بويىنشا قوسىمشا شارالاردى ەنگىزۋ جونىندە نۇسقاۋ بەرىلدى. قارۋلى كۇشتەر باسشىلىعىنا تىل جانە قارۋ- جاراق باستىعى جەكە قۇرامنىڭ قىسقى كيىم- كەشەكپەن، ال اسكەري تەحنيكانىڭ جانار- جاعارماي ماتەريالدارىمەن تولىق قامتاماسىز ەتىلۋى تۋرالى مالىمەتتەر ۇسىندى. سونداي- اق قارۋلى كۇشتەردە اسكەرلەردى قورىتىندى تەكسەرۋ مەرزىمى بەلگىلى بولدى.

قورىتىندى تەكسەرۋ 5-16 - قازان ارالىعىندا وتپەك. وعان جەكە قۇرامنىڭ 100 پايىزى قاتىسادى. ءاربىر اسكەري قىزمەتشى نورماتيۆتەردى ورىنداۋ، سىناقتار مەن تەست تاپسىرۋ قورىتىندىلارى بويىنشا ءوزىنىڭ كاسىبيلىگى نەگىزىندە باعالانادى. بولىمشەلەردىڭ جاۋىنگەرلىك قابىلەتتىلىگى مەن ۇيلەسىمدىلىگى، كومانديرلەردىڭ جەكە قۇرامدى باسقارا ءبىلۋى ەسەپتىك كەزەڭدە وتكىزىلگەن وقۋ- جاتتىعۋلاردىڭ ناتيجەلەرى بويىنشا باعالاناتىن بولادى.

اۆتور: رۋسلان عابباسوۆ



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات