جاڭاوزەندە پوليتسەيلەردى كورگەن مەيرامحانا يەسى تويداعى قوناقتاردى ءوزى قۋا باستاعان

None
None
جاڭاوزەن. قازاقپارات - جاڭاوزەندە دەمالىس كۇندەرى كارانتين ءتارتىبىن بۇزىپ، توي جاساعاندار جازالاندى، دەپ حابارلايدى قازاقپارات ءتىلشىسى.

قالالىق مونيتورينگ توبى رەيد كەزىندە باس سانيتاردىڭ قاۋلىسىن ورىنداماعان 3 توي مەن مەيرامحانا يەلەرىن انىقتادى.

جاڭاوزەن پوليتسيا ءبولىمىنىڭ باسپا ءسوز قىزمەتى حابارلاعانداي، توي ۇستىنەن تۇسكەن مونيتورينگتىك توپ مۇشەلەرى «اقسۇلۋ» مەيرامحاناسىنا جينالعان قوناقتار مەن قالىڭدىقتى ۇيىنە قايتاردى.

«تويعا كەلۋشىلەردىڭ سانى 70 ادامنان اسىپ كەتكەن. ماسكا تاقپاي، الەۋمەتتىك ارا قاشىقتىقتى ساقتاماعان. توي دەرەۋ توقتاتىلدى. قوناقتار ۇيلەرىنە قايتتى. ال، ەكىنشى «ەۋرازيا» مەيرامحاناسىنىڭ يەسى مونيتورينگ توبىنىڭ ەسكەرتۋىنە قۇلاق اسپادى. ەسىكتى ىشتەن كىلتتەپ الىپ، تويدى توقتاتپاستان وتكىزدى»، - دەلىنگەن باسپا ءسوز حابارلاماسىندا.

بۇدان بولەك، «حان شاتىر» مەيرامحاناسىنىڭ يەسى پوليتسەيلەردى كورىپ، تويداعى قوناقتاردى ءوزى قۋا باستاعان. باس سانيتار دارىگەردىڭ قاۋلىسىن بۇزعان كاسىپكەرلەرگە 500 مىڭ تەڭگە كولەمىندە ايىپپۇل سالىندى.


اۆتور: قاراكوز مارات

سوڭعى جاڭالىقتار