كوروناۆيرۋستان ساقتاندىرۋ جۇيەسى الەمدە قالاي جولعا قويىلىپ جاتىر
بۇگىنگە دەيىن پاندەميا 215 ەلدى شارپىپ، 33 ميلليوننان استام ادام اۋرۋعا شالدىقتى. 1 ميلليوننان استام ادام كوز جۇمدى. پاندەمياعا بايلانىستى ءومىردى ساقتاندىرۋ جونىندەگى وتاندىق جانە شەتەلدىك كومپانيالار COVID-19 اۋرۋىنان ساقتاندىرۋدىڭ جاڭا تەتىكتەرىن دايارلاپ ىسكە قوستى. وسى رەتتە Freedom Finance Life كومپانياسى اشىق مالىمەتتەردى زەرتتەي وتىرىپ، ساقتاندىرۋ جۇيەلەرىنىڭ ءتۇر- ءتۇرى قاي ەلدەردە قالاي ەنگىزىلگەنىنە تالداۋ جاسادى.
قازاقستاننان باسقا ا ق ش، يتاليا، فرانسيا، تۇركيا، ليتۆا، ۋكراينا، رەسەي، قىتاي جانە قىرعىزستان ەلدەرىندە ساقتاندىرۋدىڭ ءوز ەرەجەلەرى جولعا قويىلعان. زەرتتەۋ بارىسىندا Freedom Finance Life - ءومىردى ساقتاندىرۋ كومپانياسىنىڭ ماماندارى قازاقستاننان باسقا قاي ەلدەردە كوروناۆيرۋستان ساقتاندىرىلۋعا بولاتىنىن انىقتادى.
ا ق ش
كوروناۆيرۋستان ساقتاندىرۋدىڭ ناقتى جاڭاشا تەتىگىن امەريكالىق كومپانيالار شىعارعان جوق. تەك قولدانىستاعى جۇيەگە COVID-19 جانە پنيەۆمونيانى ساقتاندىرۋ جاعدايى رەتىندە ەنگىزگەن. 2020 -جىلدىڭ ءساۋىر ايىنان باستاپ، ساقتاندىرۋ ءپوليسى بار ازاماتتار ءۇشىن ەمدەلۋ ول ەلدە 21,9- 38,7 مىڭ دوللارعا تۇسەدى. ودان باسقا كەڭەس بەرۋگە 34 دوللار الىناتىن تەلەمەديتسينا سەرۆيسى بار. ساقتاندىرۋ ءپوليسى جوق ادامدار ءۇشىن ستاتسيوناردا ءبىر اپتا ەمدەلۋ قۇنى - 73,3 مىڭ دوللار.
فرانسيا
فرانسياداعى ساقتاندىرۋشىلار فەدەراتسياسى كوروناۆيرۋستى تۇماۋعا جانە باسقا ءجىتى رەسپيراتورلىق اۋرۋلارعا تەڭەستىرۋدى ءجون دەپ شەشكەن. كليەنتتەر ۋاقىتشا ەڭبەك قابىلەتتىلىگىنەن ايىرىلعان كەزدە ولارعا ساقتاندىرۋ بويىنشا تولەم بەرىلەدى.
يتاليا
الەم ەلدەرىنىڭ ىشىندە كوروناۆيرۋستىڭ يتالياعا اۋىر تيگەنى بەلگىلى. مىنە سوندىقتان بۇل ەلدە ماماندار COVID-19 اۋرۋىنان ساقتاندىرۋدىڭ ءبىرقاتار شاراسىن دايىندادى. مىسالى، تانىمال ەۋروپالىق ساقتاندىرۋ كومپانياسى Generali كورپوراتيۆتى كليەنتتەرى ءۇشىن شوب جانە ءىرى كورپوراتسيالاردى قولداۋ باعدارلاماسىن ىسكە قوستى. اتالعان باعدارلاما بويىنشا، ساقتاندىرۋ جاعدايى تۋىنداعان كەزدە ساقتاندىرىلعان ازاماتتارعا ۇزاق گوسپيتاليزاتسيا بارىسىندا تاۋلىگىنە 100 ەۋرو مولشەرىندە تولەم جۇزەگە اسىرىلادى. سونىمەن قاتار، ەمدەۋدەن كەيىن كليەنتتى قالپىنا كەلتىرۋ ءۇشىن 3000 ەۋرو مولشەرىندە جاردەماقى بەرىلەدى. كوروناۆيرۋستان ساقتاندىرۋ پوليسى بۇكىل يتالياداعى ءاربىر كومپانيانىڭ 1 ميلليون استام قىزمەتكەرلەرىندە بار ەكەنى بەلگىلى. ساقتاندىرۋدان باسقا، Generali پاندەمياعا قارسى كۇرەسۋ ءۇشىن سوماسى 100 ميلليون ەۋروعا دەيىن قۇرايتىن حالىقارالىق توتەنشە قورىن قۇردى. اتالعان قاراجاتتىڭ ءبىر بولىگى، اتاپ ايتقاندا 30 ميلليون ەۋرو ەل تۇرعىندارىنا كومەك بەرۋگە جۇمسالعان.
ليتۆا
2020 -جىلدىڭ شىلدەسىندە ليتۆالىق ساقتاندىرۋشىلار شەتەلگە شىعاتىن تۋريستەر ءۇشىن COVID-19 اۋرۋىنان ساقتاندىرۋ تەتىگىن ىسكە قوستى. اتالعان باعدارلاماعا سايكەس، ساقتاندىرىلعان ادامنىڭ كوروناۆيرۋسقا شالدىققانى انىقتالاتىن بولسا، ساقتاندىرۋ كومپانيالارى ونىڭ بارلىق قاجەتتى مەديتسينالىق شىعىندارىن وتەيدى. ال ءتيىستى جاعدايلاردا، ەلگە قايتۋ شىعىندارىن جابادى. الايدا بۇل رەتتە تۋريست ليتۆالىق بيلىك تىيىم سالعان ەلگە بارماۋى كەرەك. ليتۆا ازاماتى تىيىم سالىنعان ەلدەردە كوروناۆيرۋس جۇقتىرسا ساقتاندىرۋ كومپانياسى ونىڭ الدىندا ەشقاندا مىندەتتەمەنى ورىندامايدى.
تۇركيا
تۇركيادا ماۋسىم ايىندا COVID-19 اۋرۋىنان ساقتاندىرۋ تەتىگى ەلدەگى بارلىق تۋريستەر ءۇشىن ىسكە قوسىلدى. پوليس قۇنى 13 - 23 ەۋرو اراسىندا. ال تولەمدەرى 2-7 مىڭ ەۋرو شاماسىندا. 1 ماۋسىمنان باستاپ ءپوليستى تۇركيانىڭ بارلىق اۋە كومپانيالارى مەن اۋەجايلارىندا ونلاين رەسىمدەۋگە جول اشىلدى.
ۋكراينا
ۋكراينانى كوروناۆيرۋس شارپىعان كەزدە اتالعان ساقتاندىرۋ تۇرىنە سۇرانىس بىردەن ءوستى. 2020 -جىلدىڭ ءساۋىر ايىندا 10 عا جۋىق كومپانيا COVID-19 اۋرۋىنان ساقتاندىرۋ تەتىگىن ىسكە قوستى. ءار كومپانيانىڭ باعاسى ءارتۇرلى - ءبىر پوليسكە 100-1500 گريۆەنگە دەيىن بولسا، ساقتاندىرۋ تولەمدەرى 10000-120000 گريۆەن ارالىعىندا بولدى.
رەسەي
كوروناۆيرۋستان ساقتاندىرۋ رەسەيدە 2020 -جىلدىڭ ناۋرىز ايىنىڭ باسىندا پايدا بولدى. ءبىر جىلعا جاسالاتىن شارتتى ەرەجەلەرگە سايكەس، ساقتاندىرۋ رەسىمدەلگەن كۇننەن ءۇش كۇننەن كەيىن كۇشىنە ەنەدى. COVID-19 اۋرۋىنان ساقتاندىرۋ قۇنى - 2500 نەمەسە 10 مىڭ رۋبل اراسىندا. دياگنوزى انىقتالعان جاعدايدا تولەمدەرى 20 مىڭ، 50 مىڭ نەمەسە 100 مىڭ رۋبل مولشەرىندە بەرىلەدى.
قىتاي
قىتايدا وسىدان 20 جىل بۇرىن ەل ازاماتتارىنىڭ ۇشتەن ءبىر بولىگى عانا مەديتسينالىق ساقتاندىرۋعا قول جەتكىزگەن ەدى. الايدا قازىرگى تاڭدا بۇل ەلدە ءىس جۇزىندە بۇكىل حالىق ساقتاندىرىلعان. اتاپ ايتقاندا، تابىسىنا، الەۋمەتتىك مارتەبەسىنە قاراماستان ءار ازامات مەديتسينالىق قىزمەت الۋعا تولىق قۇقىلى. كوروناۆيرۋس پايدا بولعاننان باستاپ، قىتاي ۇكىمەتى سىرقاتتانعان ادامداردىڭ ءبارىن تەگىن ەمدەيتىنىن مالىمدەدى. بۇل شارالار، تۇرعىنداردى مەديتسينالىق كومەك الۋعا ۋاقتىلى جۇگىنۋگە ىنتالاندىرىپ، اۋرۋدىڭ تاراۋ ءقاۋپى تومەندەدى.
قىرعىز رەسپۋبليكاسى
كورشىلەس قىرعىز ەلىندە جەرگىلىكتى ساقتاندىرۋشىلاردىڭ شارتتارىنا سايكەس، كوروناۆيرۋستان جاسى الپىسقا دەيىنگى ازاماتتار - 180 كۇندىك مەرزىمگە ساقتاندىرىلۋى مۇمكىن. پوليس قۇنى تاڭدالعان باعدارلاماعا تاۋەلدى - 2000 سومنان 5000 سومعا دەيىنگى اقشانى قۇرايدى. ستاتسيوناردا ەمدەلۋدىڭ ءاربىر كۇنى 1000 سومنان 2500 سومعا دەيىن شىعادى.
قازاقستان
كوروناۆيرۋستان جاپپاي ساقتاندىرۋ ەلدە 2020 -جىلدىڭ ساۋىرىندە باستالدى. ماۋسىم ايىندا Corona Protect باعدارلاماسى بويىنشا Freedom Finance Life ءومىردى ساقتاندىرۋ كومپانياسى باستاپقى ساقتاندىرۋ تولەمدەرىن جۇزەگە اسىرا باستادى.
اۋرۋحاناعا جاتىپ ەمدەلۋ كەزىندە قازاقستاندىقتار دەنە قىزۋىنىڭ 39 دان تۇسپەۋى، جوتەل، قالتىراۋ، تىنىس الۋ قيىندىعى سەكىلدى سيمپتومداردىڭ بارىن ايتىپ جاتتى. اتالعان باعدارلاما بويىنشا ەڭ كوپ ساقتاندىرۋ تولەمدەرى الماتى قالاسىندا جۇزەگە اسىرىلدى. كەلەسى كەزەكتە تولەمدەر اتقارۋ تىزىمىندە - اقتاۋ قالاسى. Freedom Finance Life كومپانياسىندا تولەم العان ءارى ساقتاندىرىلعان ازاماتتاردىڭ ورتاشا جاسى - 30-50 جاس.
قازىرگى ۋاقىتتا Corona Protect باعدارلاماسى بويىنشا 5 مىڭنان استام جەكە جانە زاڭدى تۇلعالار پوليس رەسىمدەگەن. سونىڭ ىشىندە %42 ەرلەر جانە %58 ايەلدەر قۇرايدى.
ەسكە سالامىز، Corona Protect ساقتاندىرۋ ءپوليسى 6 اي بويى بۇكىل الەمدە قولدانادى. ونىڭ ەرەجەلەرىنە سايكەس، ەمحاناعا جاتقىزىلعان كەزدە، قارجىلىق كومەك الۋعا بولادى. ال ساقتاندىرىلعان قايتىس بولعان جاعدايدا، تولەمدى مۇراگەرلەرىنە تيەدى. تاڭدالعان پاكەتكە سايكەس، ساقتاندىرۋ قۇنى 4900 تەڭگەدەن 24500 تەڭگەگە دەيىنگى ارالىقتا بولادى. ال تولەمدەرى - 100 مىڭ تەڭگەدەن 5 ميلليون تەڭگەگە دەيىنگى سوما. جاسى 2 گە تولعان جانە 60 تان اسپاعان قازاقستاندىقتاردىڭ ساقتاندىرىلۋى مۇمكىن. ساقتاندىرۋدى كومپانيانىڭ سايتىندا نەمەسە SMS ارقىلى جۇزەگە اسىرۋعا بولادى.
اۆتور: ايان بەكەن ۇلى