ەلوردادا ماسكا تاقپاعان مەكتەپ ديرەكتورى جاۋاپكەرشىلىككە تارتىلدى

نۇر-سۇلتان. قازاقپارات - نۇر-سۇلتان قالاسىنىڭ باس سانيتارلىق دارىگەرى جاننا پراليەۆا مەكتەپتەرگە جۇرگىزىلگەن مونيتورينگتىڭ ناتيجەسىن جاريالادى، دەپ حابارلايدى قازاقپارات ءتىلشىسى.

«نۇر-سۇلتان قالاسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ءبىلىم بەرۋ وبەكتىلەرىندە كارانتيندىك شارالاردىڭ ساقتالۋىنا مونيتورينگ جۇرگىزەدى. قالادا بارلىعى 91 جالپى ءبىلىم بەرەتىن مەكتەپ، ونىڭ ىشىندە 78 مەملەكەتتىك، 12 جەكە مەنشىك جانە 1 مامانداندىرىلعان مەكتەپ بار. مونيتورينگپەن %100 قامتىلدى. مونيتورينگ بارىسىندا 31 مەكتەپتە (%34,0) ەرەجە بۇزۋشىلىقتار انىقتالدى. مەكتەپ ديرەكتورىنىڭ ءوزى جانە وقىتۋشىلار قۇرامى، سونداي-اق وقۋشىلاردىڭ اتا-انالارى ماسكا تاعۋ تالاپتارىن ساقتاماعان. مەكتەپتەردىڭ بىرىندە ديرەكتور اكىمشىلىك جاۋاپكەرشىلىككە تارتىلدى»، - دەدى پراليەۆا باسپا ءسوز ءماسليحاتىندا.

سونىمەن قاتار ول قالادا ك ۆ ي-دى جاپپاي تىركەۋدىڭ سالدارىنان 2020 -جىلدىڭ 5 -شىلدەسىنەن باستاپ قاتاڭ شەكتەۋ جانە كارانتين شارالارى ەنگىزىلگەنىن ەسكە سالدى.

«2020 -جىلعى 17-تامىزدان باستاپ ك ۆ ي تىركەۋدىڭ تومەندەۋىنە بايلانىستى شەكتەۋ جانە كارانتين شارالارىن كەزەڭ- كەزەڭىمەن جەڭىلدەتۋ باستالدى. الايدا سۋبەكتىلەر دە، جەكە تۇلعالار دا الەۋمەتتىك قاشىقتىقتى ساقتاۋ، بەتپەردە كيۋ شارالارىن بۇزىپ كەلەدى. دەپارتامەنتتىڭ اۋداندىق باسقارمالارى شەكتەۋ جانە كارانتين شارالارىن ەنگىزۋ كەزەڭىندە 550-ايىپپۇل سالدى. قوعامدىق تاماقتانۋ وبەكتىلەرىنىڭ، ويىن- ساۋىق مەكەمەلەرىنىڭ يەلەرى بىرنەشە رەت اكىمشىلىك جاۋاپكەرشىلىككە تارتىلعانىنا قاراماستان، شەكتەۋ جانە كارانتين شارالارىن ساقتاماي، ءوز قىزمەتىن جۇزەگە اسىرۋدى جالعاستىرۋدا»، - دەدى پراليەۆا.

كاسىپكەرلىك سۋبەكتىلەرىنىڭ اراسىندا كارانتين رەجيمىن بىرنەشە رەت بۇزعاندار بار.

اۆتور: رۋسلان عابباسوۆ