نۇر-سۇلتاندا قاشىقتان وقيتىن وقۋشىلاردان كوروناۆيرۋس انىقتالدى
بۇل تۋرالى نۇر-سۇلتان قالاسىنىڭ باس سانيتارلىق دارىگەرى جاننا پراليەۆا ءمالىم ەتتى، دەپ حابارلايدى قازاقپارات ءتىلشىسى.
«6-قىركۇيەكتەن باستاپ وقۋشىلار اراسىندا ىندەت جۇقتىرۋدىڭ التى جاعداي تىركەلدى. ونىڭ ىشىندە ءبىر وقيعادا بالا مەكتەپكە بارىپ جۇرگەن، قالعان بەسەۋى قاشىقتان وقىتۋ تارتىبىندە ءبىلىم الدى»، - دەدى پراليەۆا باسپا ءسوز ءماسليحاتىندا.
ونىڭ سوزىنە قاراعاندا، بايلانىستا بولعان ادامدار تەكسەرۋدەن وتكەن.
«بارلىعىندا ىندەت انىقتالمادى. جالپى 13 بالا مەن 6 مۇعالىم تەكسەرىلدى. مەكتەپتە دەزينفەكسيا جۇرگىزىلىپ، بالالار مەن مۇعالىمدەر ۇيدە كارانتيندە بولدى»، - دەدى ول
سونىمەن قاتار، ج. پراليەۆا مەكتەپ مۇعىلىمدەرى اراسىندا كوروناۆيرۋس جۇقتىرۋ جاعدايى تىركەلمەگەنىن ايتتى.
ايتا كەتەيىك، قىركۇيەك ايىنىڭ باسىندا ەلىمىزدىڭ باس مەملەكەتتىك سانيتار دارىگەرى بولعان ايجان ەسماعامبەتوۆا ەگەر سىنىپتا ءبىر وقۋشىدان كوروناۆيرۋس ينفەكسياسى انىقتالاتىن بولسا، ماماندار ەپيدەميولوگيالىق تەكسەرىس جۇرگىزەتىندىگىن ايتقان بولاتىن.
سونداي-اق، ش ق و مەكتەبىندە وقۋشىدان كوروناۆيرۋس تابىلدى.
اۆتور: رۋسلان عابباسوۆ