+7 (701) 759 90 19
0 °С : نۇر-سۇلتان
2 °С : الماتى
USD 432.23 EUR 506.79
RUB 5.45 CNY 64.44
جاڭالىقتار

قازاقستاندا اۋە بيلەتىنىڭ قۇنى قانشا؟

29 قىركۇيەك 13:56
:ءبولىسۋ
قازاقستاندا اۋە بيلەتىنىڭ قۇنى قانشا؟

نۇر-سۇلتان. قازاقپارات - ەلدە ءبىر جىلدا ۇن باعاسى قىمباتتاعان. بۇل نەمەن بايلانىستى؟ بيىلعى ەگىن ورۋ ناۋقانى قالاي بولىپ جاتىر؟

بيىل داڭعايىر ديقاندارىمىز قازاقتىڭ كەڭ جەرىنەن 18 ميلليون توننا استىق جيناۋدى جوسپارلاپتى.

بيىل 18 ميلليون توننا استىق جينالماق

ەلدە ەگىن ورۋ قارقىن الدى. بۇگىندە رەسپۋبليكا بويىنشا ءداندى- داقىل القابىنىڭ 23,6 پروتسەنتى ورىلعان.

ال بىلتىر وسى كەزدە ەگىستىكتىڭ 3 ميلليونداي گەكتارىنان ياعني 20 پروسەنتىنەن عانا ءونىم جينالعان ەدى. بيىلعى ورتاشا ونىمدىلىك گەكتارىنان 13,1 سەنتنەردەن اينالىپ جاتىر. ەل بويىنشا بۇل ناۋقانعا 145 مىڭ تراكتور، 75 مىڭ تراكتور تىركەمەسى، 38 مىڭ استىق جينايتىن كومباين، 15 مىڭ دەستەلەگىش جانە 39 مىڭ جۇك كولىگى جۇمىلدىرىلعان. ەگىندى ۋاقىتىلى جيناۋ ءۇشىن ديقاندارعا 395 مىڭ توننا ارزانداتىلعان جانار- جاعارماي بولىنگەن. وپەراتورلاردىڭ شىعىندارى ەسكەرىلە وتىرىپ، شارۋالارعا جانارمايدىڭ ليترى 168 تەڭگە بولىپ بەكىتىلگەنىن دە ايتا كەتكەن ءجون. بۇل نارىقتىق باعادان 10 پروتسەنتكە ارزان.

جالپى ەلدە بيىل 18 ميلليون توننا استىق جيناۋ جوسپارلانعان.

نان باعاسى قىمباتتاماي ما؟

ەگىندى ايتقاندا، ۇنعا دا توقتالايىق. حالىققا كەرەگى نان. ايتپاعىمىز، ەلدە ءبىر جىلدا ۇننىڭ قۇنى 20 پروتسەنتكە وسكەن. وسىلايشا ءونىم ءوندىرۋ كولەمى تومەندەپ بارادى. ساراپشىلار ۇننىڭ ەكسپورتى دا ازايعانىن ايتتى. بيىلعى قاڭتار مەن شىلدە ارالىعىندا 2 ميلليون تونناداي ۇن شىعارىلعان. بۇل بىلتىرعى كورسەتكىشتەن شامامەن 6 جارىم پروتسەنتكە كەم.

ۇن وندىرۋدە قوستاناي كوش باسىندا. بۇل ەندى زاڭدىلىق. قانشا دەگەنمەن استىقتى ولكە عوي. وسى وبلىستا 544 مىڭ توننادان استام ۇن وندىرىلگەن ەكەن. كوشباسشى ۇشتىككە شىمكەنت قالاسى پەن اقمولا وبلىسى كىرەدى. ەندى باعاسىنا توقتالايىق. وسى وتكەن شىلدەدە بازار- دۇكەندەردە جوعارعى سۇرىپتى ۇننىڭ ءبىر كەلىسى 220 تەڭگە بولعان.

ءبىرىنشى سۇرىپ 176 تەڭگەدەن ساتىلدى. ەكى سۇرىپ تا بىلتىردان بەرى كەم دەگەندە 20 پروتسەنتكە ءوسىپ وتىر. الدا قالاي بولادى؟ نان باعاسى قىمباتتاماي ما؟

ماشينا جاساۋدا دامۋ بار

ەلدە ماشينا جاساۋ ءوندىرىسى دامىپ كەلەدى. سالاداعى ءوندىرىس كولەمى شامامەن 14 پروتسەنتكە وسكەن. اسىرەسە اۆتوكولىك قۇرالدارى، جارتىلاي تىركەمە، ەلەكتر جابدىقتارىن جاساۋدىڭ ءورىسى كەڭەيدى. تاقىرىپقا تۇزدىق بولسىن.

اكىمشىلىك پوليتسيانىڭ مالىمەتىنشە، وسى كۇنى ەلدە بارلىعى 4 ميلليون 382 مىڭ كولىك تىركەلگەن. جەڭىل ءارى جەڭىل كوممەرتسيالىق اۆتوموبيل سانى - 3 ميلليون 631 مىڭ. بۇل جالپى ساننىڭ 83 پروتسەنتى.

«قازاۆتوونەركاسىپ» اۆتوكولىك سالاسىنداعى كاسىپورىندار وداعى كولىك پاركى تۋرالى مالىمەت جاريالاپتى. سونىمەن بىزدەگى اۆتوپاركتىڭ جارتىسىن پايدالانۋ مەرزىمى 20 جىلدان اسقان كولىكتەر قۇرايدى. ال 11 دەن 20 جىلعا دەيىنگى كولىكتەر سانى 783 مىڭنان اسىپ جىعىلادى. پايدالانۋ مەرزىمى ەكى جىلعا جەتپەگەن كولىك سانى 160 مىڭنىڭ شاماسىندا. جەردەگى كولىكتى ايتقاندا، اۋەدەگى كولىك جايىندا دا بىرەر اقپار ۇسىنالىق.

بۇگىن «نارىقتاعى باعا» ايدارىندا ۇشاق بيلەتىنىڭ باعاسىن ايتامىز.

نارىقتاعى باعا

سونىمەن اۋە بيلەتىنىڭ قۇنى نۇر- سۇلتاننان الماتىعا دەيىن 56 مىڭعا تايايدى. نۇر-سۇلتاننان شىمكەنتكە 60 مىڭ. قىزىلورداعا دەيىن شامامەن 53 مىڭعا الۋعا بولادى. ال ەلوردادان وسكەمەنگە دەيىن بيلەت قۇنى - 67 مىڭ.

نۇر- سۇلتان - سەمەي باعىتىنا 52 مىڭنىڭ شاماسىندا. ورالعا دەيىن بيلەت 87 مىڭعا تۇر. اقتوبەگە 74 مىڭ شاماسىندا، ال، اقتاۋعا دەيىنگى بيلەت قۇنى 129 مىڭ تەڭگەدەن اسادى.

تۋريزم سالاسىندا جۇمىس ورىندارى قىسقارۋى مۇمكىن

الەم بويىنشا تۋريستىك سەكتوردا 120 ميلليونعا دەيىن جۇمىس ورنى قىسقارۋى مۇمكىن. بۇعان سەبەپ - پاندەميا. اسىرەسە حالقى كوپ ەلدەر ءۇشىن بۇل اۋىر بولماق. مۇنى بىرىككەن ۇلتتار ۇيىمىنىڭ باس حاتشىسى مالىمدەدى. انتونيو گۋتەرريش ايتادى. وسى تۋريستىك سالانىڭ قاۋىپسىزدىگىن قامتاماسىز ەتپەك كەرەك. سول كەزدە بۇل سەكتور قايتا جاندانۋى كادىك. مۇنىڭ الدىندا دۇنيەجۇزىلىك تۋريزم ۇيىمى قاڭتار مەن مامىر ارالىعىندا حالىقارالىق ساياحات سانى 300 ميلليونعا دەيىن قىسقارعانىن ايتقان. سەبەپ - كوپتەگەن مەملەكەت كوروناۆيرۋستىڭ كەسىرىنەن شەكاراسىن جاپتى ياكي ەلگە كىرۋگە ءبىرقاتار شەكتەۋ ەنگىزدى. ەندى ەلىمىزدەگى ۆاليۋتا باعامىنا توقتالايىن. ۇلتتىق بانكتىڭ مالىمەتىنشە، دوللار 419 تەڭگە 5 تيىن. ەۋرو 495 تەڭگە 97 تيىن. ال رۋبل 5 تەڭگە 59 تيىن بولىپ تۇر.

وسى كاتەگوريا بويىنشا: «قازاقستان كوروناداعدارىس اسەر ەتپەگەن مەملەكەتتەردىڭ قاتارىنا ەندى زەينەتاقى قورىنداعى قارجىنى الۋ ءۇشىن جيناقتاعى سوما قانشا بولۋى كەرەك؟»


24.kz



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات