+7 (701) 759 90 19
5 °С : نۇر-سۇلتان
10 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

جاپوندىق ازامات ىستامبۇلدىڭ قاق ورتاسىندا قازاقتىڭ دومبىراسىن كۇمبىرلەتىپ ءجۇر

29 قىركۇيەك 08:46
:ءبولىسۋ

نۇر-سۇلتان. قازاقپارات - ىستامبۇلداعى ايگىلى تاكسيم الاڭىندا ارا- تۇرا قازاقتىڭ قارا دومبىراسى كۇمبىرلەيدى، دەپ حابارلايدى «حابار 24».

قازاقتىڭ ءتول اسپابىن جانىنا سەرىك ەتكەن قازاق نە تۇرىك ەمەس - جاپوندىق. ءدال قازىرگىدەي كوروناۆيرۋس قىسپاققا الىپ، ەلدىڭ كۇنكورىسى قيىنداعان شاقتا دا جاپون جىگىتى - اكيرا سۇيىكتى اسپابىن تاستاعان ەمەس. اكيرا - مۋزىكا مامانى، جاپونيادا كونسەرۆاتوريا بىتىرگەن. ونەردەگى وزىندىك سوقپاعىن تابۋ ءۇشىن شەت ەل اسىپ، 3 -جىل بۇرىن تۇركياعا تۇراقتاپتى. مۋزىكالىق اسپاپتىڭ بىرنەشە ءتۇرىن مەڭگەرگەن اكيرا بىردە كەزدەيسوق دومبىرانى قولعا الادى.

انادولىعا اياق باسقان العاشقى كۇندەرىندە اكيرا انكارادا قوناقتا بولعان. ءۇي يەسى اقدەنيز تۇركياعا قونىستانعان نوعاي قانداستارىمىزدىڭ ۇرپاعى ەكەن. ادەنيزگە قوناققا كەلگەن اكيرا قابىرعادا تۇرعان دومبىرانى كورىپ، تارتىپ كورۋگە بەكىنەدى. وزىنە بەيمالىم اسپاپتىڭ سىرىن بىلمەككە ۇمتىلىپ، اقدەنيزدەن سىر تارتادى.

اقدەنيز ەرباش، تۇركيالىق نوعاي:

- اكيرامەن العاش ينتەرنەت ارقىلى تانىستىم. ونەرىنە ءتانتى بولىپ، ارامىزدا دوستىق ورنادى. ءبىر جولى، اكيرا تۇركياعا كەلگىسى كەلەتىنىن ايتتى. مەن ونى انكاراعا شاقىردىم. ءسويتىپ، جاپوندىق دوسىم ۇيىمە كەلدى. سول ساپارىندا، قابىرعادا ءىلۋلى تۇرعان دومبىرانى كورىپ، قىزىعۋشىلىق تانىتىپ، نە اسپاپ ەكەنىن سۇراي باستادى. قولىنا بەرىپ، قالاي شەرتۋ كەرەكتىگىن كورسەتتىم. مەنىڭ ءوزىم دە دومبىرانى ەرتە مەڭگەرگەن اداممىن. اكيرا دوسىما بار بىلەتىنىمدى ۇيرەتتىم. دومبىراعا قاتتى قىزىققان اكيرا قوس ىشەكتى اسپاپتى از ۋاقىتتا جاقسى مەڭگەرىپ الدى.

جاھاندى كەزىپ، ساز ونەرىنىڭ قىر- سىرىن ۇعىنۋعا ۇمتىلعان اكيرا، ىستامبۇلعا تابان تىرەيدى.

ىستامبۇل - سان الۋان مادەنيەتتىڭ توعىسقان جەرى. الىپ شاھار اكيرانىڭ قولايىنا جاعىپ، وسىندا قالۋعا شەشىم قابىلدايدى. توعىز جولدىڭ تورابىندا ورنالاسقان تاكسيم الاڭىن تاڭدايدى. البەتتە، مەگاپوليستىڭ وزىندىك قيىنشىلىقتارى بار. اكيرانى كۇنكورىس قامى قاجاپ، جات جەردە جانى جابىرقايدى. سونداي سىندارلى كۇندەردە دومبىرادان تايانىش تابادى.

اكيرا تاكەگۋچي، دومبىرا مەڭگەرگەن جاپون ازاماتى:

- مۋزىكا - جان ازىعى. جاپونيادا جۇمىسباستىلىق الدىڭعى ورىنعا شىعىپ كەتكەن. ادامداردىڭ رۋحاني كەمەلدەنۋگە ۋاقىتى از. ازاماتتار جۇمىسقا جەگىلىپ ءجۇرىپ، ءومىردىڭ ءوتىپ كەتكەنىن بايقاماي قالادى. مەن بۇل قاساڭ قالىپقا سىيمادىم. ءوزىمدى ءوزىم تابۋ ءۇشىن الەمدى شارلاعىم كەلدى. تۇركياداعى ەركىندىك ۇنادى. ادامدار بايىپتى تىرلىك كەشەدى. مۇندا مۋزىكالىق ءبىلىمىمدى تەرەڭدەتە ءجۇرىپ، دومبىرانى تاپتىم. قازاقتىڭ ۇلتتىق اسپابى قاراپايىمدىلىعىمەن ەرەكشەلەنەدى. سوندىقتان دا، بۇل اسپاپتى ينتەرنەت ارقىلى مەڭگەرىپ، تاكسيم الاڭىندا شەرتە باستادىم. تاكسيمدە مەن سەكىلدى مۋزىكانتتار كوپ. دەگەنمەن دومبىرانىڭ ەرەكشەلىگى كوپشىلىكتىڭ نازارىن بىردەن اۋداردى. دۇنيە ءجۇزىن ابىگەرگە سالعان كوروناۆيرۋس ىندەتى اكيراعا دا اسەر ەتپەي قويمادى. پاندەميا كەزەڭىندە ونىڭ دا تابىسى ازايدى. سەبەبى كوپشىلىك ورىنداردا ادامداردىڭ شوعىرلانۋىن بولدىرماۋ ءۇشىن مۋزىكالىق اسپاپپەن ونەر كورسەتۋگە تىيىم سالىندى.

بۇل جاعداي اكيراعا وڭاي تيمەدى. تاكسيمنىڭ ءبىر بۇرىشىن پانالاپ، ولمەستىڭ كۇنىن كەشۋدە. اكيرانىڭ ەندىگى تىلەگى - ىندەتتىڭ بەتى تەزىرەك قايتىپ، تاكسيم تورىندە دومبىرانى قايتا كۇمبىرلەتۋ.

اكيرا تاكەگۋچي، دومبىرا مەڭگەرگەن جاپون ازاماتى:

- پاندەميا كەزىندە تابىستان ايىرىلدىم. تىيىم بولعاندىقتان، اشىق الاڭدا دومبىرا تارتا المايمىن. دومبىرا شەرتسەم، ادامدارعا قۋانىش سىيلايمىن، ءوزىم دە رۋحاني ءلاززات الامىن. قىسىلعاندا دومبىراعا مۇڭىمدى شاعىپ، شەرىمدى تارقاتامىن.

شاناعىنان ساز ساۋلاپ، كۇي توگىلگەن دومبىرا جاپون ازاماتىنىڭ جان سەرىگىنە اينالعان. قاستەرلى دومبىرانىڭ قادىرىن بىلەتىن اكيرانى ىستامبۇلداعى قازاقتار توبەسىنە كوتەرە قۇرمەتتەيدى. سولاردىڭ ءبىرى - انار بايجانوۆا اكيرانىڭ رۋحاني ۇستازىنا اينالعان. دومبىراشىنى ءجيى شاقىرتىپ، الۋان ءىس- شارادا ونەرىن پاش ەتۋگە مۇمكىندىك جاساپ ءجۇر.

انار بايجانوۆا، ىستامبۇلدىق قازاق:

- ەكى جىل بۇرىن يستيكلال داڭعىلىندا دومبىرا شەرتىپ وتىرعان اكيرانى كوردىك. العاشقىدا ونى قازاق دەپ ويلادىق. تانىسا كەلە ونىڭ كۇنشىعىس ەلىنىڭ ازاماتى ەكەنىن بىلدىك. تاڭ قالدىق. تامساندىق. سول كۇننەن بەرى بىرگەمىز. رۋحاني ۇلىم دەسەم ابدەن جاراسادى. قازاقتىڭ دومبىراسىن ىستامبۇلدىڭ قاق ورتاسىندا تورتكۇل دۇنيەدەن كەلگەن جۇرتشىلىققا تانىستىرىپ وتىرعان اكيراعا قامقور بولۋ مىندەتىمىز. جاپون جىگىتى اكيرا القالى جيىنداردىڭ سالتاناتىن اسىرىپ، ۇلتتىق ونەرىمىز بەن قاسيەتتى دومبىرامىزدى پاش ەتىپ ءجۇر. وسىعان دەيىن تۇرىك ەلىنىڭ ءبىرقاتار شاھارلارىن شارلاپ، قوس ىشەكتى كۇمبىرلەتكەن. ال تاكسيم الاڭىنا كۇنىنە ون مىڭداعان تۋريست كەلەدى.


www.24.kz


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات