قاراعاندى دراما تەاترى جاڭا ماۋسىمىن «جاس اباي» قويىلىمىمەن اشادى

None
None
قاراعاندى. قازاقپارات - س. سەيفۋللين اتىنداعى قاراعاندى وبلىستىق قازاق دراما تەاترى 8-قازاندا جاڭا ماۋسىمىن اشادى.

كورەرمەن توكەن يبراگيموۆتىڭ پەساسى بويىنشا قويىلعان «جاس اباي» سپەكتاكلىنىڭ پرەمەراسىن تاماشالاي الادى، دەپ حابارلايدى قازاقپارات ءتىلشىسى.

قويىلىم ابايدىڭ 175 -جىلدىعىنا ورايلاستىرىلعان. سپەكتاكل اقىننىڭ بالالىق، جاستىق شاعى جانە ابايدىڭ توعجانمەن ماحابباتى جايلى باياندايدى. رەجيسسەر نۇرلان جۇمانيازوۆتىڭ ايتۋىنشا، سپەكتاكل مۇحتار اۋەزوۆتىڭ «اباي جولى» رومانىنىڭ ءبىرىنشى تومىنا جانە شاكارىم قۇدايبەردى ۇلىنىڭ «قودار مەن قامقا» پوەماسىنا نەگىزدەلگەن. قويىلىمدا رەاليزم مەن سيۋررەاليزم ەلەمەنتتەرى بار، ال كەيىپكەرلەر پروزا جانە ولەڭ شۋماقتارىمەن سويلەيدى.

«جاس اباي» سپەكتاكلىنىڭ كومپوزيتورى - سىدىق مۇحامەدجانوۆ، مۋزىكالىق ارلەۋشى - ساۋلە مۇستافينا. ابايدى ساحنادا احاي جۇمامۇراتوۆ پەن ازامات امانتاي، قۇنانبايدى بەكمۇحاممەد كيەكبايەۆ پەن ماديار قويشىعارين سومدايدى. زەرەنىڭ ءرولىن نۇرجىبەك جانسۇگىروۆا مەن زليحا ءابدىعالىقوۆا، ۇلجاندى - گۇلنار بازاربايەۆا مەن دينارا ايعازينوۆا، توعجاندى - ساياگۇل تاشىمبەكوۆا، نۇرايىم تەزەكبايەۆا جانە اينۇر اسىلبەكوۆا ورىندايدى. تەاتر حابارلاعانداي، جاڭا ماۋسىمنىڭ اشىلۋى كارانتين شارالارىن ساقتاي وتىرىپ وتەدى. زالداعى كورەرمەن سانى شەكتەۋلى - 50 ادامعا دەيىن. كىرۋ - قاتاڭ بەتپەردەمەن. سپەكتاكلدىڭ باستالۋى: 18.30.


سوڭعى جاڭالىقتار