+7 (701) 759 90 19
3 °С : نۇر-سۇلتان
8 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

نۇرسۇلتان نازاربايەۆقا تۇركىستاندى ودان ءارى دامىتۋ جوسپارى تانىستىرىلدى

28 قىركۇيەك 21:30
:ءبولىسۋ
نۇرسۇلتان نازاربايەۆقا تۇركىستاندى ودان ءارى دامىتۋ جوسپارى تانىستىرىلدى

تۇركىستان. قازاقپارات - ەلباسى نۇرسۇلتان نازاربايەۆ تۇركىستان قالاسىن ودان ءارى دامىتۋ جوسپارىمەن تانىستى، دەپ حابارلايدى قازاقپارات تۇڭعىش پرەزيدەنتتىڭ رەسمي سايتىنا سىلتەمە جاساپ.

ءمالىم ەتىلگەندەي، نۇرسۇلتان نازاربايەۆقا «كەرۋەن- ساراي» كەشەنى تانىستىرىلىپ، «ازىرەت سۇلتان» قورىق- مۇراجايى اۋماعىنداعى ارحەولوگيالىق زەرتتەۋلەردىڭ ناتيجەلەرى تۋرالى مالىمەت بەرىلدى. سونداي- اق ەلباسىعا وسى جىلدىڭ تامىز ايىندا قازاقستان پرەزيدەنتى قاسىم- جومارت توقايەۆتىڭ حاتتامالىق تاپسىرمالارىن ورىنداۋ اياسىندا جۇزەگە اسىپ جاتقان باسقا دا جوبالار تۋرالى باياندالدى. ەلباسى تۋريستىك جانە قالا ينفراقۇرىلىمى قۇرىلىسىنىڭ قارقىنى جوعارى ەكەنىن اتاپ ءوتتى. نۇرسۇلتان نازاربايەۆ ءوزىنىڭ 2018 -جىلى قابىلداعان تۇركىستاندى قايتا تۇلەتۋ تۋرالى شەشىمىنە قازاقستان حالقى قولداۋ بىلدىرگەنىن ايتتى.

«بۇگىن ءبىز تۇركىستاننىڭ جاڭا نىساندارىمەن تانىستىق. ولار بۇكىل قازاقستان مەن الەمنەن تۋريست تارتاتىن، تۇرعىنداردىڭ نازارىن اۋداراتىن كورنەكتى ورىنعا اينالادى. تۇركىستاننىڭ اۋقىمدى قۇرىلىسى تۇتاس ءوڭىردىڭ ەكونوميكالىق دامۋىنا زور سەپتىگىن تيگىزىپ وتىر»، - دەدى قازاقستاننىڭ تۇڭعىش پرەزيدەنتى. نۇرسۇلتان نازاربايەۆ قالانىڭ ورنالاسقان جەرى، تۇركى الەمىنىڭ ماڭىزدى رۋحاني ورتالىقتارىنىڭ ءبىرى رەتىندەگى ونىڭ مارتەبەسى بولاشاقتا ورتالىق ازيا ەلدەرىنىڭ ينتەگراتسياسىنا قىزمەت ەتەتىنىن اتاپ ءوتتى.

«تۇركىستاندا تۇركى تىلدەس ەلدەردىڭ ءسامميتىن وتكىزۋدى جوسپارلاعان بولاتىنبىز. الەمدەگى كۇردەلى احۋالعا بايلانىستى ول كەيىنگە شەگەرىلدى. ەگەر ءبارى ويداعىداي بولسا، ونى ناۋرىز مەرەكەسىنە قاراي وتكىزەمىز دەپ ويلايمىن»، - دەدى ەلباسى.

سونداي- اق شارا بارىسىندا تۋريستىك ينفراقۇرىلىم قالىپتاستىرۋدى جانە كولىك- لوگيستيكالىق جوبالاردى ىسكە اسىرۋدى جالعاستىرۋ قاجەتتىگى ءسوز ەتىلدى. ەلباسى تۇركىستان قالاسىنىڭ تۇرعىندارى مەن قوناقتارى ءۇشىن جايلى جاعداي جاساۋدىڭ ماڭىزدىلىعىنا دا توقتالدى.


«قالا ءوسىپ، حالقىنىڭ سانى دا ارتا تۇسەتىنىنە سەنىمدىمىن. مۇندا ءتۇرلى فورۋمدار مەن جاستار جيىندارىن، سپورت شارالارىن وتكىزىپ تۇرۋ قاجەت. وسىلايشا، ءبىز قالانى كوپشىلىككە تانىستىرىپ، كورسەتۋىمىز كەرەك. تۇركىستاندى قايتا تۇلەتۋدىڭ ءبىزدىڭ حالقىمىز ءۇشىن ماڭىزى زور» ، - دەدى قازاقستاننىڭ تۇڭعىش پرەزيدەنتى.

نۇرسۇلتان نازاربايەۆ قالا مەن ءوڭىردىڭ ودان ءارى ءوسىپ- وركەندەي بەرەتىنىنە سەنىم ءبىلدىردى. سوڭىندا ەلباسى ب ا ق وكىلدەرىنە ارنالعان بريفينگ وتكىزىپ، «قازاقستاننىڭ رۋحاني استاناسىنىڭ» جاڭا «ۆيزيت- ورتالىعىندا» ورنالاسقان مۋزەيدى ارالادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات