+7 (701) 759 90 19
4 °С : نۇر-سۇلتان
11 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

ورالحان بوكەي: ءومىر - ەشكىم شىعارا الماس قيىن ەسەپ

28 قىركۇيەك 22:03
:ءبولىسۋ
ورالحان بوكەي: ءومىر - ەشكىم شىعارا الماس قيىن ەسەپ

نۇر-سۇلتان. قازاقپارات - ول تابيعات پەن ادامزاتتىڭ بايلانىسىن جازدى. زاڭدىلىقتاردى كوركەم ادەبيەتكە ەنگىزدى. ول قىسقا عۇمىرىندا كلاسسيكالىق تىڭ تۋىندىلار قالدىردى. ول - ورالحان بوكەي.

نازارىڭىزعا كلاسسيكتىڭ تۋعان كۇىنە وراي شىعارمالارىنان الىنعان افوريزمدەرىن ۇسىنامىز.

جالعاندا ادام ءبىر قاتەلەسكەندە، جالعىز رەت اياعىڭدى تاس قاعىپ قالسا، ءومىر بويى سۇرىنشەك بولىپ وڭباي وتەسىڭ.

ءومىر - ەشقاشان شەشۋى تابىلماس جۇمباق، ەشكىم شىعارا الماس قيىن ەسەپ.

ادامنىڭ قولى قانات ەمەس، ۇشۋعا ارنالماعان. ۇشىپ جۇرگەندەردى اتىپ ءتۇسىرۋ وڭاي دەۋشى ەدى، قاڭعىعان وق، قاڭعىرعان اڭشىدان ساقتان، جارىعىم!

باردىڭ قادىرىن ءبىلۋ ءۇشىن جوعالتۋ كەرەك، توقتىقتىڭ قادىرىن ءبىلۋ ءۇشىن اشىعۋ كەرەك ەكەن.

قاناتىڭمەن ۇشقاندا،

قۇيرىعىڭدى ۇمىتپا!

تىرشىلىكتىڭ سۇلۋلىعىندا شەك جوق.

ءار تاۋدىڭ باسىن اڭساعان ارقار اشتان ولەدى.

جۇگىرگەن المايدى،

بۇيىرعان الادى.

بۇكىل الەمدە ادام بالاسى قانشالىقتى مول بولسا، سونشالىقتى جالعىز. ونى جالعىزسىراتپايتىن ايرىلماس ادال دوسى - ءوزىنىڭ ويى عانا!

نەعۇرلىم كەرەك بولساڭ،

سوعۇرلىم جاقسى ەستيسىڭ.

ماحاببات - زور سانالىلىقتىڭ، بىلگىر- بىلىمدىلىكتىڭ، اسقان اقىل- ويدىڭ جەمىسى ەمەس، ول - تەك جەردە عانا ءومىر سۇرەتىن، بىرتە- بىرتە ارحايزمگە اينالاتىن، تۋۋى بار، ءوسىپ- ءونۋى جوق كوزگە كورىنبەي ماڭگى جاسايتىن بەينەسى بەلگىسىز دارا ۇعىم.

اقىل مەن ار- وجداندى ادامدارعا بەرسىنشى.

ەگەر جالعىزدىق جانىڭدى جەگىدەي جەپ، سۇلىكتەي سورىپ مەڭدەپ السا، ادام دا ءوز- وزىنەن ماڭگىرگەندەي الباتى لاعىپ، بەتى اۋعان جاققا ساندالا بەرمەي مە؟

دۇنيە كەزەك ەكەن.

جەك كورۋدىڭ ەڭ سۇمدىعىن ادامداردىڭ وزدەرى تۋعىزادى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات