+7 (701) 759 90 19
3 °С : نۇر-سۇلتان
8 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

قازاقستاننىڭ «ۇزدىك اۋىل اكىمدەرى» انىقتالىپ جاتىر

28 قىركۇيەك 20:40
:ءبولىسۋ
قازاقستاننىڭ «ۇزدىك اۋىل اكىمدەرى» انىقتالىپ جاتىر

نۇر- سۇلتان. قازاقپارات – ق ر مەملەكەتتىك قىزمەت ىستەرى اگەنتتىگى «ۇزدىك اۋىل اكىمى» رەسپۋبليكالىق كونكۋرسىنىڭ جەڭىمپازدارىن انىقتاۋ جونىندە رەسپۋبليكالىق كوميسسيا وتىرىسىن وتكىزدى، دەپ حابارلايدى قازاقپارات ءتىلشىسى.

كونكۋرستىڭ العاشقى كەزەڭىندە وڭىرلىك كوميسسيالار شەشىمىمەن 14 اۋىل اكىمى رەسپۋبليكالىق كەزەڭگە ىرىكتەلىپ الىنعان ەدى.

«2019 -جىلى ەل پرەزيدەنتى قاسىم- جومارت توقايەۆ ءوزىنىڭ العاشقى جولداۋىندا «قۋاتتى ءوڭىر - قۋاتتى ەل» دەپ، وڭىرلەردەگى جەرگىلىكتى بيلىك جۇمىسىن تيىمدىلىگىن باعالاۋ جۇيەسىن ەنگىزۋ كەرەك دەپ ايتقان بولاتىن. وسىعان وراي، مەملەكەتتىك قىزمەت ىستەرى اگەنتتىگىنە «ۇزدىك اۋىل اكىمى» رەسپۋبليكالىق بايقاۋىن ۇيىمداستىرۋ جانە وتكىزۋ جۇكتەلگەن ەدى.

بيىل دا مەملەكەت باسشىسى قاسىم- جومارت توقايەۆ «جاڭا جاعدايداعى قازاقستان - ءىس- قيمىل كەزەڭى» اتتى جولداۋىندا دا اۋىلدىق وكرۋگ اكىمدەرىن تىكەلەي سايلاۋعا بولاتىنىن اتاپ كورسەتتى. الداعى ۋاقىتتا تاۋەلسىز قازاقستان جاعدايىندا بۇعان دەيىن بولماعان تاجىريبە - اۋىل اكىمدەرىن تىكەلەي سايلاۋعا قوعام تاراپىنان دا قىزىعۋشىلىق ارتىپ وتىر»، - دەدى مەملەكەتتىك قىزمەت ىستەرى اگەنتتىگى ءتوراعاسىنىڭ ورىنباسارى دارحان جازىقبايەۆ اگەنتتىكتە وتكەن رەسپۋبليكالىق كوميسسيا وتىرىسىندا.

كونكۋرس وڭىرلىك جانە رەسپۋبليكالىق ىرىكتەۋ كەزەڭدەرىنە بولىنگەن جانە ءار كەزەڭ بويىنشا وڭىرلىك، تيىسىنشە رەسپۋبليكالىق كومميسسيا قۇرىلدى.

«رەسپۋبليكالىق كونكۋرس كوميسسياسى قۇرامىندا «اۋىل» پارتياسىنىڭ ءتوراعاسى، ق ر پارلامەنتى سەناتىنىڭ دەپۋتاتى ءالي بەكتايەۆ، قر پارلامەنتى ءماجىلىسىنىڭ دەپۋتاتى ەرسۇلتان بەكتۇرعانوۆ، مەملەكەتتىك قىزمەت سالاسىنداعى وڭىرلىك حابتىڭ باسقارۋشى كوميتەتىنىڭ ءتوراعاسى ءاليحان بايمەنوۆ، مەملەكەتتىك بانك مەكەمەلەرى جانە قوعامدىق قىزمەت كورسەتۋ قىزمەتكەرلەرىنىڭ سالالىق كاسىپوداعى قوعامدىق بىرلەستىگىنىڭ ءتوراعاسى ميربولات جاقىپوۆ، ق ر اقپارات جانە قوعامدىق دامۋ ۆيتسە- ءمينيسترى بولات تىلەپوۆ، ق ر پرەزيدەنتى اكىمشىلىگى ىشكى ساياسات ءبولىمىنىڭ سەكتور مەڭگەرۋشىسى ابزال مۇحيموۆ، «حابار اگەنتتىگى» اق باسقارما ءتوراعاسىنىڭ ءبىرىنشى وىنباسارى رينات كەرتايەۆ بار»، - دەدى د. جازىقبايەۆ. وڭىرلىك ىرىكتەۋ كەزىندە اكىمدەر جەرگىلىكتى تۇرعىنداردىڭ ونلاين داۋىس بەرۋى، اكىمدەردىڭ ەسسەلەرى مەن جوبالىق جۇمىستارى، اۋىلدىڭ الەۋمەتتىك- ەكونوميكالىق كورسەتكىشتەرى، اكىمدەردىڭ ادەپ نورمالارىن ساقتاۋى، كارانتين كەزىندە اتقارىلعان شارالار جانە مەملەكەتتىك قىزمەت كورسەتۋ ساپاسى بويىنشا باعالانعان ەدى.

بايقاۋدىڭ رەسپۋبليكالىق كەزەڭىندە اكىمدەر كوميسسيا وتىرىسىنا ونلاين قاتىسىپ، اۋىلدىق ەلدىمەكەننىڭ الەۋمەتتىك- ەكونوميكالىق ماسەلەسىن شەشۋ بويىنشا دەربەس جوبالىق جۇمىستارىن تانىستىردى.

«بايقاۋ ناتيجەسى ەرتەڭ جاريالانادى. ناتيجەسىندە قاتىسۋشىلار 1,2,3 ورىندارمەن جانە «ىسكەر- شارۋاشىل اكىم»، «ۇزدىك الەۋمەتتىك- ەكونوميكالىق جوبا» جانە «حالىققا اشىق اكىم» نوميناتسيالارىمەن ماراپاتتالادى. ماراپات وڭىرلەردەگى وبلىس اكىمدىكتەرىنە جىبەرىلەدى جانە وبلىس اكىمى دەڭگەيىندە تاپسىرىلادى. رەسپۋبليكالىق كەزەڭدە بارلىق قاتىسۋشىلاردىڭ جوبالارىنا قارايمىز. جاقسى جوبالار بولسا، وبلىس اكىمدىكتەرىمەن بىرلەسىپ، جوبانى بيۋدجەتتەن قارجىلاندىرۋعا كومەك كورسەتەمىز»، - دەدى دارحان جازىقبايەۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات