الماتىدا جىلۋ بەرۋ ماۋسىمى باستالدى

الماتى. قازاقپارات - الماتىدا الەۋمەتتىك نىساندارعا بۇگىننەن باستاپ جىلۋ بەرىلە باستادى، دەپ حابارلايدى قازاقپارات ءتىلشىسى.

قالا اكىمنىڭ باسپا ءسوز حاتشىسى اسەت مۇقاجانوۆتىڭ ايتۋىنشا، الماتى قالاسى ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ مالىمەتىنە سايكەس، جىلۋ جەلىلەرى مەن جىلۋمەن قامتۋ جۇيەلەرى % 100 دايىن.

الماتى اكىمى باقىتجان ساعىنتايەۆتىڭ تاپسىرماسىنا سايكەس ءبىرىنشى كەزەكتە جىلۋعا الەۋمەتتىك نىساندار قوسىلادى. بالاباقشالارعا، مەكتەپتەرگە، دەنساۋلىق ساقتاۋ نىساندارىنا بۇگىنگى كۇننەن باستاپ جىلۋ تولىق قۋاتىندا بەرىلەدى. تۇرعىن ۇيلەر اعىمداعى اپتا ىشىندە جىلۋ جۇيەلەرىنە قوسىلاتىن بولادى.

قالادا بارلىعى ءبىلىم بەرەتىن - 144، دەنساۋلىق ساقتاۋ سالاسىنىڭ 133 نىسانى جانە ورتالىق جىلۋ جۇيەسىنە قوسىلعان 8024 كوپپاتەرلى ءۇي بار.

اۆتور: الما مۇقانوۆا