الماتىدا اۆتوبۋستىڭ ارتىنا جابىسىپ العان ەر ادام ۆيدەوعا ءتۇسىپ قالدى

الماتى. قازاقپارات - الماتى پوليتسياسى اۆتوبۋستىڭ ارتىنا جابىسىپ الىپ، جول جۇرگەن الماتىلىقتى ىزدەستىرىپ جاتىر، دەپ حابارلايدى قازاقپارات ءتىلشىسى.

ۆيدەو الەۋمەتتىك جەلىدە تاراعان بولاتىن.

بەينەروليكتە ەر ادامنىڭ قوعامدىق كولىكتىڭ ارتىنا مىنگەسىپ، الىپ بارا جاتقانى كورسەتىلەدى.

ونىڭ ارەكەتى كوپشىلىكتىڭ قىزۋ تالقىسىنا ءتۇستى. بىرەۋلەر تەگىن ءجۇرۋدىڭ ايلاسى دەسە، باسقالار بۇل ءجۇرىستىڭ ءقاۋىپتى ەكەنىن ايتادى.

«اۆتوبۋستىڭ ارتىنا مىنگەسكەن جولاۋشى جول ەرەجەسىن ورەسكەل بۇزعان. بۇل ادامنىڭ وزىنە دە تىكەلەي ءقاۋىپ ءتونىپ تۇر. باسقا دا جول قوزعالىسىنىڭ قاتىسۋشىلارىنا اپاتتى جاعداي تۋدىرادى. بۇل ءۇشىن جاۋاپكەرشىلىك قاراستىرىلعان. قازىر جەرگىلىكتى پوليتسيا قىزمەتى بۇل دەرەكپەن اينالىسىپ جاتىر»، - دەدى قالالىق پوليتسيا دەپارتامەنتىنىڭ رەسمي وكىلى سالتانات ازىربەك.

اۆتور: گۇلميرا عوسمانالي