پرەزيدەنتتىڭ جولداۋىنا ءبىرقاتار شەتەلدىك ساياساتكەر پىكىر ءبىلدىردى

نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆتىڭ بيىلعى جولداۋىنا شەتەلدىك ساياساتكەرلەر مەن حالىقارالىق ساراپشىلاردىڭ پىكىر بىلدىرۋدە. قازاقپارات پىكىرلەردىڭ ءبىر توبىن وقىرماندار نازارىنا ۇسىنادى.

***

گابريەللا باتتايني- دراگوني

ەۋروپا كەڭەسى باس حاتشىسىنىڭ ورىنباسارى

ەۋروپا كەڭەسى باس حاتشىسىنىڭ ورىنباسارى گابريەللا باتتايني- دراگوني قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ 2020 -جىلعى 1-قىركۇيەكتەگى جولداۋىندا بەلگىلەنگەن باستامالاردى، ىشكى ساياسي جانە الەۋمەتتىك رەفورمالاردى قۇپتادى.

جوعارى لاۋازىمدى ەۋروپالىق ساياساتكەر «حالىق ۇنىنە قۇلاق اساتىن، ءادىل مەملەكەت» قالىپتاستىرۋداعى، اتاپ ايتقاندا ەلدەگى زاڭنىڭ ۇستەمدىگىن قامتاماسىز ەتۋگە، ازاماتتىق قوعامنىڭ ءرولىن كۇشەيتۋگە، سىبايلاس جەمقورلىققا قارسى كۇرەستى ودان ءارى جالعاستىرۋعا دەگەن ورتاق كوزقاراستىڭ ماڭىزدىلىعىن اتاپ ءوتتى.

گ. باتتايني- دراگوني قازاقستاننىڭ قابىلداعان باعىتى جالپى ەۋروپا كەڭەسىنىڭ رۋحىنا سايكەس كەلەتىنىن، اسىرەسە سوت تورەلىگى ورگاندارى مەن پروكۋراتۋرانى رەفورمالاۋ سالاسىنداعى جۇمىستارى ءبىزدىڭ ەلمەن تابىستى ىنتىماقتاسۋدىڭ ناعىز كورىنىسى بولىپ تابىلاتىندىعىن جەتكىزدى.

ەۋروپا كەڭەسىنىڭ ساراپشىلارى - باعدارلامالار ديرەكتوراتىنىڭ باسشىسى ۆەرەنا تەيلور مەن سىرتقى بايلانىستار جونىندەگى ديرەكتوراتتىڭ جەتەكشىسى زولتان تاۋبنەر قازاقستاننىڭ جۇرگىزىپ جاتقان رەفورمالارى، ەلدىڭ نەگىزگى حالىقارالىق- قۇقىقتىق نورمالارى مەن ستاندارتتارىنا بەيىلدىلىگىن كورسەتەتىنىن اتاپ ءوتتى. ءبىرقاتار باعدارلامالار مەن جوبالار بويىنشا ەۋروپا كەڭەسىمەن ىنتىماقتاستىقتى ودان ءارى دامۋىنا ءۇمىت ءبىلدىردى. قازاقستاننىڭ ءولىم جازاسىن تولىق جويۋدى كوزدەيتىن ازاماتتىق جانە ساياسي قۇقىقتار تۋرالى حالىقارالىق پاكتىنىڭ ەكىنشى فاكۋلتاتيۆتىك حاتتاماسىنا قوسىلۋ نيەتىن قۇپتادى.

قاسىم-جومارت توقايەۆپەن جەنيەۆادا حالىقارالىق كۇن ءتارتىبىنىڭ كەڭ اۋقىمدى جەمىستى جۇمىس تاجىريبەسىن ەسكەرە وتىرىپ، ەۋروپا كەڭەسىنىڭ باسشىلىعى قازاقستان پرەزيدەنتىنە ودان ءارى تابىس تىلەپ، ۇيىممەن ىنتىماقتاستىقتىڭ نىعايا تۇسەتىنىنە سەنىم ءبىلدىردى.

* * *

كااللە لاانەت

ريگيكوگۋ (پارلامەنت) ەستونيا رەسپۋبليكاسىنىڭ دەپۋتاتى

ەستونيانىڭ بۇرىنعى ىشكى ىستەر ءمينيسترى 2005-2007 ج ج.

بيىلعى جىلى قازاقستان پرەزيدەنتىنىڭ ۇندەۋىن بارلىعى كۇتكەندەي بولدى، ويتكەنى ول پاندەميادان تۋىنداعان جاھاندىق ەكونوميكالىق داعدارىسقا قالاي ارەكەتەتۋ كەرەكتىگى تۋرالى سۇراققا جاۋاپ بەردى.

جولداۋ ءبىرقاتار تۇبەگەيلى وزگەرىستەردى ۇسىنادى. بىرىنشىدەن، مەملەكەتتىك باسقارۋ جۇيەسىن قايتا قۇرۋعا جانە مەملەكەتتىك اپپاراتى قايتا فورماتتاۋعا دەگەن ۇمتىلىسپەن جۇرتشىلىقتى وزىنە نازار اۋدارتتى جانە بۇل ۇمتىلىس بيۋروكراتيالىق قىسىمنىڭ تومەندەۋىنە اكەلەدى. مۇنداي شەشىمدەر ءاردايىم وڭ ناتيجە بەرەدى، ويتكەنى ولار داعدارىس كەزىندە شەشىم قابىلداۋعا قاجەتتى يكەمدىلىك بەرەدى. بۇل ستراتەگيالىق جوسپارلاۋ جانە رەفورمالار جونىندەگى ارنايى ۇيىم قۇرۋعا قاتىستى، مەملەكەتتىك اپپارات ءار قاشان وسىنداي ساراپتامالىق فورماتسيالاردى قاجەت ەتەدى.

قۇقىق قورعاۋ جۇيەسىن رەفورمالاۋ جونىندەگى جوسپارلار ەرەكشە قىزىعۋشىلىق تۋدىرادى. ارينە، قۇقىق قورعاۋ ورگاندارىنىڭ كەز- كەلگەن دامۋى ولاردىڭ قىزمەتىنىڭ ساپاسىن جاقسارتۋ ارقىلى ازاماتتاردىڭ مۇددەلەرىن قورعاۋ تۇرعىسىنان جۇرگىزىلۋى قاجەت. بۇدان باسقا، قازاقستان باسشىلىعى جاريالاعان وسى سالانى ەىدۇ- نىڭ جوعارى ستاندارتتارىنا جاقىنداتۋعا دەگەن ۇمتىلىس ەۆوليۋتسيالىق شەشىم بولىپ تابىلادى.

سىبايلاس جەمقورلىققا، كيبەرقىلمىسقا، بالالاردىڭ قۇقىقتارىنا قىسىم جاساۋعا قارسى كۇرەس ءتيىمدى قۇقىق قورعاۋ جۇيەسىنىڭ ماڭىزدى قۇرامداس بولىگى بولىپ تابىلادى. وسىعان بايلانىستى قازاقستاننىڭ بالا قۇقىقتارى تۋرالى كونۆەنتسيانىڭ فاكۋلتاتيۆتىك حاتتاماسىنا قوسىلۋ جونىندەگى جوسپارلارىن تولىعىمەن قۇپتاۋعا بولادى.

بيزنەسكە قاتىستى مەملەكەتتىڭ باقىلاۋ فۋنكسيالارىن ودان ءارى ىرىقتاندىرۋدى اتاپ وتكەن ءجون. پرەزيدەنت ينۆەستورلاردى شامادان تىس تەكسەرۋ جۇيەسىنەن قورعاۋ ءۇشىن جاعداي جاساۋدى تاپسىردى. بۇل قازاقستاننىڭ ينۆەستيتسيالىق احۋالدى جاقسارتۋعا دەگەن ۇمتىلىسىن بىلدىرەدى.

* * *

ازحار ازيزان حارۋن

مالايزيا پارلامەنتى وكىلدەر پالاتىسىنىڭ ءتوراعاسى

مەن، پرەزيدەنت قاسىم-جومارت توقايەۆتى قازاقستاننىڭ ۇزاق مەرزىمدى دامۋى ءۇشىن كەڭ ەكونوميكالىق جانە اكىمشىلىك ساياساتتى تۇجىرىمداپ جاريالاعانىمەن قۇتتىقتاعىم كەلەدى.

ساياسات، اتالعانداي، قازاقستان حالقىنا ۇلكەن پايدا اكەلەتىنىنە جانە الداعى جىلدارى ەلدىڭ دامۋىنىڭ كاتاليزاتورى بولاتىنىنا سەنىمدىمىن.

* * *

چيكو رودريگەس

برازيليا ۇلتتىق كونگرەسىنىڭ سەناتورى، پرەزيدەنتتىڭ سەناتتاعى وكىلى، «برازيليا - قازاقستان» پارلامەنتتىك دوستىق توبىنىڭ باسشىسى

مەنىڭ ويىمشا، پرەزيدەنت ەلدىڭ الدىندا تۇرعان بۇگىنگى جانە ۇزاق مەرزىمدى پەرسپەكتيۆاداعى ەڭ وزەكتى پروبلەمالار مەن مىندەتتەردى قوزعادى. جەكە كاسىپكەرلىكتىڭ جەتەكشى ءرولى، كاسىپكەرلەردىڭ جاڭا بۋىنى ءۇشىن نارىقتار اشۋ، ونىمدىلىكتى ارتتىرۋ، ەكونوميكانىڭ تەحنولوگيالىق ۇلەسىن ارتتىرۋ، ادامي كاپيتالدى دامىتۋ، ءبىلىم بەرۋدىڭ جاڭا تۇرىنە ينۆەستيتسيا سالۋ جانە ەكونوميكانى كوگالداندىرۋدى قامتاماسىز ەتەتىن جاڭا ەكونوميكالىق كۋرسى ەرەكشە قىزىعۋشىلىق تۋدىرادى.

ءبىزدىڭ ەلدەر اراسىندا كوپتەگەن ۇقساستىقتار بار. اتاپ ايتقاندا، ءبىزدى شاعىن جانە ورتا بيزنەستى دامىتۋ شارالارى بىرىكتىرەدى. برازيليادا، سونداي- اق قازاقستاندا دا شاعىن كاسىپورىنداردى قولداۋعا كوپ كوڭىل بولىنەدى، ولار ەلدەگى جۇمىس ورىندارىنىڭ جارتىسىنان كوبىن قۇرا وتىرىپ، ج ءى ءو- نە شامامەن %25 ۇلەسىن قوسادى.

سونداي- اق، جولداۋدا مەملەكەتتىك اپپاراتتى رەفورمالاۋعا نازار اۋدارىلدى، بۇل بۇعان دەيىن قاسىم-جومارت توقايەۆتىڭ ايتقان «تىڭداۋشى مەملەكەت» تۇجىرىمداماسىنىڭ جۇزەگە اسىرىلىپ جاتقانىن كورسەتەدى. پرەزيدەنت تۇبەگەيلى رەفورمالاردى جۇزەگە اسىرۋ ءۇشىن مەملەكەتتىك اپپاراتتىڭ قىزمەتىن قايتا قاراۋ، مەملەكەتتىك قىزمەت جۇيەسىن قايتا جۇكتەۋ جانە مەملەكەتتىك قىزمەتكەرلەردىڭ سانىن ازايتۋ قاجەت ەكەنىن اتاپ ايتتى. بۇل اسىرەسە برازيليا ءۇشىن وتە قىزىقتى، ويتكەنى قازىرگى كەزدە فەدەرالدىق ۇكىمەت پەن پارلامەنت مەملەكەتتىك اپپاراتتىڭ يكەمدىلىگى مەن تيىمدىلىگىن ارتتىرۋعا مۇمكىندىك بەرەتىن، مەملەكەتتىك اپپاراتتىڭ قىسقارۋىن جانە بيۋدجەتتىڭ قىسقارۋىن قاراستىراتىن، اكىمشىلىك رەفورمالار تۋرالى زاڭ جوباسىن قاراستىرۋدا.

پرەزيدەنت قاسىم-جومارت توقايەۆتىڭ كەرەمەت جولداۋى ءبىزدىڭ ەكىجاقتى قارىم- قاتىناستارىمىز جاڭا تاجىريبە مەن ءبىلىم الماسۋعا مۇمكىندىك بەرەتىندىگىن كورسەتەدى.

* * *

باسسكاران ناير

سينگاپۋر ۇلتتىق ۋنيۆەرسيتەتىنىڭ جانىنداعى لي كۋان يۋ مەملەكەتتىك ساياسات مەكتەبىنىڭ اديۋنكت- دوتسەنتى، سينگاپۋر ينۆەستورلارىمەن بايلانىس جونىندەگى كاسىبي اسسوتسياتسياسىنىڭ باسقارما مۇشەسى (IRPAS) ، International Friendship Enterprise ءتوراعاسى جانە ديرەكتورى

نوبەل سىيلىعىنىڭ لاۋرەاتى، ەكونوميست پول رومەر «داعدارىس - بۇل ىسىراپشىلدىق ءۇشىن وتە قورقىنىشتى نارسە» دەپ اتاپ ءوتتى. قازاقستان پرەزيدەنتى قاسىم-جومارت توقايەۆتىڭ جولداۋىنىڭ ماڭىزدىلىعى ونىڭ پاندەميا ۋاقىتىن ىسىراپ ەتپەيتىندىگىندە. ول ءوز سوزىندە مەملەكەتتىك قىزمەتتى قايتا ىسكە قوسۋعا، باسەكەلەستىكتى قورعاۋ جانە دامىتۋ، ستراتەگيالىق جوسپارلاۋ جانە رەفورمالار، ۇلتتىق بانك قۇرىلىمىنداعى اقشا- نەسيە ساياساتى جونىندەگى كوميتەت جانە رەفورمالار جونىندەگى جوعارى پرەزيدەنتتىك كەڭەس سياقتى جاڭا ۆەدومستۆولار ارقىلى ساياساتتى ءتيىمدى جۇرگىزۋدى قامتاماسىز ەتۋگە باعىتتالعان ترانسفورماتسيالىق رەفورمالار تۋرالى جاريالادى. «استانا» حالىقارالىق قارجى ورتالىعى سياقتى قازىرگى تابىستى قۇرىلىمدار نىعايتىلاتىن بولادى.

كوپتەگەن مەملەكەتتىك قىزمەتكەرلەر قاشىقتان جۇمىس ىستەي الاتىندىقتان، ول مەملەكەتتىك قىزمەتشىلەردىڭ سانىن ازايتۋعا جانە قالعان جۇمىسشىلاردىڭ جالاقىسىن كوبەيتۋگە شەشىم قابىلدادى. ەڭ باستىسى، ول كاسىپكەرلىك قىزمەتكە ارالاسۋ مەملەكەتكە قارسى اۋىر قىلمىس رەتىندە قابىلداناتىندىعىن ەسكەرتىپ، كاسىپكەرلىك تاپتىڭ دامۋىن تالاپ ەتتى. كۇشتى سوزدەر.

پرەزيدەنتتىڭ سويلەگەن ءسوزى جاھاندىق پاندەمياعا قاراماستان، ول ورىنداۋشىلىق قۇزىرەتتىلىككە ەرەكشە نازار اۋدارا وتىرىپ، ەلدى بىرنەشە باعىتتا بولاشاققا دايىندايدى.

* * *

يۋاكيم دال

قازاقستان رەسپۋبليكاسىنىڭ گەتەبورگتاعى قۇرمەتتى كونسۋلى (شۆەتسيا)

مەن بۇرىن باسقا دا حالىققا ارنالعان جولداۋلارمەن تانىستىم. ءبىراق بۇل ءبىر قاتار ناقتى ماقساتتاردىڭ مازمۇنىمەن ەرەكشەلەنەدى. بۇل جاڭا يدەيالاردىڭ، دامۋ ستراتەگياسىنىڭ جانە سونىمەن بىرگە ولاردى بىرلەسىپ ىسكە اسىرۋدىڭ قاراپايىم ءتاسىلىنىڭ ۇلگىسى. فورمات بويىنشا جولداۋ ماعان ناقتى باسشىنىڭ ءسوزىن ەسكە سالدى. ۇلتقا العا ۇمتىلۋعا جانە ونى ءدال ءقازىر جاساۋعا شاقىرۋ. بۇل تەك شاقىرۋ عانا ەمەس، بۇل ەلدىڭ بيزنەس- جوسپارى. اسەرلى. ءدال مەن كۇتكەن نارسە. مۇنداي ءتاسىل ناتيجە بەرىپ، كەڭىسكەرلىك ىنتىماقتاستىق ءۇشىن مۇمكىندىكتەر اشاتىنىنا سەنىمدىمىن.

«ۇزاق ۋاقىتقا سوزىلعان مۇناي سۋپەرسيكلى اياقتالعان سياقتى. الەمدىك نارىقتىڭ مۇلدەم جاڭا كونيۋنكتۋراسىنا دايىن بولۋ كەرەك». ءىس- ارەكەتكە ناقتى، اشىق شاقىرۋ. ۇكىمەت جاقىن بولاشاق تۋرالى ايقىن تۇسىنىك دەڭگەيىنە جەتكەندە، دامۋدىڭ جاڭا كەزەڭىن ىسكە اسىرۋ ءۇشىن بۇكىل قازاقستاننىڭ زياتكەرلىك الەۋەتىن تارتۋ تۋرالى قاجەتتى بەلگى جىبەرىلەدى. بۇل قازاقستان ءۇشىن ماڭىزدى بەلگى. مۇنداي ءتاسىل قازىرگى زامانعى ونلاين كوممۋنيكاتسيالاردى ەسكەرە وتىرىپ، قازاقستاندا جۇمىس كۇشىنىڭ جاڭا بۋىنىن ولاردىڭ جاھاندىق ويلاۋ قابىلەتىمەن جاڭا دامىتۋعا قاتىسۋعا ىقپال ەتەتىن بولادى.

* * *

ۋليسسيس ريدەل

«پلانەتارلىق وداق» كوممەرتسيالىق ەمەس ۇيىمىنىڭ پرەزيدەنتى، برازيليا ۇلتتىق كونگرەسىنىڭ ەكس- سەناتورى

قازىرگى ۋاقىتتا الەمنىڭ جەكەلەگەن ەلدەرى وڭشىل جانە سولشىلعا ءبولىنىپ، وزىمشىلدىك مۇددەلەرگە، سوعىستارعا شوعىرلانىپ جاتقاندا، پرەزيدەنت قاسىم-جومارت توقايەۆ ۇكىمەتتىڭ «حالىق مۇددەسىنە» قىزمەت ەتۋدىڭ گۋمانيستىك باعدارلاماسىن باتىل ۇسىندى. ونىڭ كوزقاراسىن جوعارىعا ورلەۋ، حالىقتاردىڭ تۇتاستاي رۋحاني بىرىگۋى دەپ سيپاتتاۋعا بولادى. ۇندەۋدە ازاماتتاردىڭ الەۋمەتتىك ءال- اۋقاتىنىڭ جوعارعى باسىمدىعىنا ەرەكشە نازار اۋدارىلعان. بۇل، بۇكىل الەمگە ۇلگى بولاتىن ۇستانىم.

ۇكىمەتتىڭ «تىڭداۋشى مەملەكەت» قۇرۋعا قاتىستى ۇستانىمى جانە قازاقستاندىق قوعامنىڭ ماسەلەلەرىن شەشۋ جونىندەگى ۇسىنىستارى - ۇلكەن دانالىق، ولار ازاماتتارعا مەملەكەتتىك ىستەرگە ارالاسا الاتىندىعىن سەزىنۋگە مۇمكىندىك بەرەدى. ورتاق ماقسات قاجەتۋ ءۇشىن بارلىق حالىقتاردىڭ بىرىگۋى، بيلىك پەن ازاماتتىق قوعامنىڭ ءوزارا ارەكەتى؛ ەتيكا، قۇندىلىقتاردى قۇرمەتتەۋ، ىزگىلىك - گۇلدەنگەن جانە باقىتتى ەلدىڭ نەگىزى.

* * *

شاحۋل حاميد بين موحدا يسمايل

مالايزيالىق «Reach Energy» كومپانياسىنىڭ باس اتقارۋشى ديرەكتورى

مەملەكەت باسشىسىنىڭ بيزنەستى جانە مەملەكەتتىك ساياساتتى ودان ءارى جەتىلدىرۋ بويىنشا نەگىزگى باعدارلامالاردى جۇزەگە اسىرۋعا جانە ونى قازاقستاندا جۇزەگە اسىرۋعا ۇمتىلاتىندىعى وتە قۋانتادى.

قازاقستاننىڭ ەكونوميكالىق دامۋىندا سالىق زاڭناماسى، مەملەكەتتىك باسقارۋ، شەشىم قابىلداۋ پروتسەسى، مەملەكەتتىك جوسپارلاۋ جۇيەسى، مەملەكەتتىك قىزمەت جۇيەسى جەتىلدىرىلۋىنەن باسقا كوپتەگەن ماڭىزدى باعىتتارعا دەيىن ايقىن جانە كەلىسىلگەن رەفورمالار ءجۇرىپ جاتىر، بۇل ەلدىڭ ءال- اۋقاتىنا ايتارلىقتاي وڭ اسەر ەتەدى دەپ سانايمىن.

جاڭا شىندىقتا جەكە كاسىپكەرلىكتىڭ جەتەكشى ءرولى وتە ماڭىزدى بولىپ تابىلادى. جەكە كاسىپورىندار - ەل ەكونوميكاسىنىڭ نەگىزى. مەملەكەت باسشىسىنىڭ جەكە كاسىپكەرلىكتى دۇرىس دامىتۋعا باعىتتالعان قادامى قازىرگى الەمنىڭ بايلانىسقان ۋاقىتىندا وتە ماڭىزدى. پرەزيدەنتتىڭ جولداۋى «مەملەكەتتىك قۇرىلىمداردىڭ كاسىپكەرلىك قىزمەتكە كەز- كەلگەن زاڭسىز ارالاسۋى، كاسىپكەرلەردىڭ جۇمىسىنا كەدەرگى جاساۋ مەملەكەتكە قارسى ەڭ اۋىر قىلمىس رەتىندە قابىلدانۋى كەرەك. شەنەۋنىكتەر ولارعا زاڭسىز قىسىم كورسەتكەن جاعدايدا، كاسىپكەرلەر پروكۋراتۋرالارمەن بايلانىستا بولۋدان تارتىنباۋى كەرەك».

* * *

احماد ماگاد

سينگاپۋر وڭدىرۋشىلەر فەدەراتسياسىنىڭ ۆيتسە-پرەزيدەنتى

جىلدام ەكونوميكالىق تابىسقا جەتۋدىڭ كىلتتەرىنىڭ ءبىرى - ادام كاپيتالىنا ينۆەستيتسيالاۋ. مەن، ءبىرىنشى بولىمدە «مەملەكەتتىك باسقارۋدىڭ جاڭا ۇلگىسىنە» ارنالعان جوسپارلاۋىن جۇزەگە اسىرۋدىڭ جانە باعالاۋدىڭ بارلىق كەزەڭدەرىندە جەكە سەكتور مەن تۇتاستاي قوعامدى تۇتاس ارىپتەستەر رەتىندە تارتا وتىرىپ، بارلىق ادامي رەسۋرستاردى جۇمىلدىرۋعا تاباندى تۇردە شاقىرۋ قامتىلعانىن ۇلكەن قاناعاتتانۋشىلىقپەن اتاپ وتەمىن.

پاندەميامەن بايلانىستى جاعداي كوپتەگەن ۇيىمداردىڭ قاشىقتان جۇمىس ىستەۋىنە سەبەپ بولعانىنا قاراماستان، سيفرلىق تەحنولوگيالاردى كوپتەگەن اسپەكتىلەردە ەنگىزۋدى جەدەلدەتۋ وڭ ناتيجەسىنە اكەلگەن. بۇل ەرەكشە نازار اۋدارۋدى جانە تەز بەيىمدەلۋدى قاجەت ەتەتىن سالا. كۇندەلىكتى ومىردە سيفرلاندىرۋعا كوشۋدە قوعامنىڭ بارلىق سالاسىن كوتەرمەلەۋ قاجەت. مۇنداعى ماقسات- تەحنولوگياعا نەگىزدەلگەن سيفرلىق ەكونوميكاعا تەزىرەك كوشۋ.

پرەزيدەنت جولداۋىندا ايتىلعانداي، شوب كاسىپورىندارى پاندەميا كەزىندە ەرەكشە قيىن كەزەڭدەردى باستان وتكەرۋدە جانە شۇعىل كومەككە مۇقتاج. ولاردىڭ كوپشىلىگى، بالكىم، سوقتىعىس ماسەلەلەرىمەن كەلىپ تۇسكەن اقشا قاراجاتىن، بۇل ۇكىمەتتىڭ ارالاسۋىن تالاپ ەتەدى. قاراستىرىلۋى ءتيىس مودەلدەردىڭ ءبىرى سينگاپۋرلىق مودەل بولىپ تابىلادى، وندا ۇكىمەت بانكتەرگە كەپىلدىكتەر بەرىپ جانە ولار ش و ب- قا نەسيە بەرگەن كەزدە نەسيە بەرۋ تاۋەكەلدەرىن بانكتەرمەن بىرلەسىپ بولەدى. بۇل ش و ب-تى، جۇمىس ورىندارىن ساقتاۋعا جانە سونىمەن بىرگە ەكونوميكالىق اينالىمعا ىقپال ەتۋگە مۇمكىندىك بەرەدى.

* * *

ماكسا ساي

مالايزيالىق «ازيا- تىنىق مۇحيتى بويىنشا Kingsley Strategic Institute « ستراتەگيالىق ينستيتۋتىنىڭ اتقارۋشى ديرەكتورى

حالىققا ارنالعان جاڭا جولداۋىندا قازاقستان پرەزيدەنتى مەملەكەتكە دەگەن سەنىمدى ارتتىرۋ جانە مەملەكەتتىك باسقارۋ تيىمدىلىگىن ارتتىرۋ ساياساتىن جالعاستىرۋدا. وسى تۇرعىدا پرەزيدەنت ق. توقايەۆتىڭ COVID-19 پاندەمياسى مەن الەمدىك ەكونوميكانىڭ رەتسەسسياسىنان تۋىنداعان ەكونوميكالىق داعدارىستى ەڭسەرۋ ءۇشىن قابىلداعان شەشۋشى شارالاردىڭ، شاعىن جانە ورتا بيزنەستى، سونداي- اق باسقا دا ونەركاسىپتەردى قولداۋ بويىنشا قادامدارىنىڭ ۋاقتىلىعىن اتاپ ءوتۋ قاجەت.

پرەزيدەنت جولداۋى - قازاقستاننىڭ جالپى دامۋىنىڭ كەشەندى ستراتەگياسى بولاتىنىنا جانە ول ۇلتتىڭ ودان ءارى گۇلدەنۋىنە الىپ كەلەتىنىنە سەنىمىم مول.

اۆتور: اياۋلىم التىنبەك