كارانتين شەكتەۋلەرىنە قاراماستان ەڭ كوپ توي وتكىزگەن وڭىرلەر بەلگىلى بولدى

نۇر-سۇلتان. قازاقپارات - دەنساۋلىق ساقتاۋ مينيسترلىگى كارانتيندىك شەكتەۋلەرگە قاراماستان ەڭ كوپ توي وتكەن وڭىرلەردى جاريالادى، دەپ حابارلايدى قازاقپارات ءتىلشىسى.

قازاقپارات اگەنتتىگىنىڭ رەسمي ساۋالىنا جاۋاپ بەرگەن مينيسترلىك 2020 -جىلدىڭ 5 -شىلدەسىنەن باستاپ وسى ۋاقىتقا دەيىن كارانتين كەزىندەگى تىيىمعا قاراماستان توي، ەسكە الۋ شارالارىن (بانكەتتەر، ۇيلەنۋ تويلارى، مەرەيتويلار، ەسكە الۋ) وتكىزۋ بويىنشا 1110 قۇقىق بۇزۋشىلىق تىركەلگەنىن حابارلايدى.

«كارانتين شەكتەۋلەرىنە قاراماي ەڭ كوپ توي، ەسكە الۋ شارالارى (بانكەتتەر، ۇيلەنۋ تويلارى، مەرەيتويلار، ەسكە الۋ) وتكىزگەن قىزىلوردا، تۇركىستان، اقتوبە، قاراعاندى، اتىراۋ، باتىس قازاقستان، الماتى وبلىستارى»، - دەپ جاۋاپ بەردى مينيسترلىكتەن.

ەسكە سالا كەتسەك ەلدە كوروناۆيرۋس جۇقتىرعان ازاماتتاردىڭ سانى تاۋلىك بويىنشا ازايعانىمەن، كەيبىر كارانتين شەكتەۋلەرى كۇشىندە قالىپ وتىر. ماسەلەن وتكەن اپتادا عانا ەكى وبلىستا كوروناۆيرۋس تابىلعان مەكتەپتەر مەن بالاباقشالار كارانتينگە جابىلعان بولاتىن. ناقتىراق ايتقاندا وتكەن اپتادا شىعىس قازاقستان مەن سولتۇستىك قازاقستاندا 16 بالانىڭ كوروناۆيرۋس جۇقتىرعانى حابارلانىپ ەدى.

اۆتور: ايان بەكەن ۇلى