ۇلتتىق بانك تەڭگە باعامىنىڭ السىرەۋىنە بايلانىستى تۇسىنىك بەردى
ق ر ۇلتتىق بانكى تەڭگە باعامىنداعى احۋالعا قاتىستى پىكىر ءبىلدىردى، دەپ حابارلايدى قازاقپارات.
«جاھاندىق نارىقتارداعى دوللاردىڭ نىعايۋىنا بايلانىستى بۇگىن ءبىز ۇلتتىق ۆاليۋتانىڭ ءبىرشاما السىرەۋىن بايقاپ جاتىرمىز. ا ق ش دوللارىنىڭ يندەكسى كوروناۆيرۋستىڭ ەكىنشى رەت قايتالانۋىنا بايلانىستى ءقاۋىپتىڭ كۇشەيۋى اياسىندا، سونداي-اق ا ق ش-تا الداعى ۋاقىتتا بولاتىن پرەزيدەت سايلاۋىنا بايلانىستى نەگىزگى الەمدىك ۆاليۋتالار قورجىنىنا قارسى نىعايىپ، ەكى ايداعى شارىقتاۋ شەگىنە جەتتى. ح ۆ ق وكىلدەرىنىڭ ايتۋىنشا، كوروناۆيرۋس پاندەمياسىنا بايلانىستى داعدارىس ۇزاعىراق جالعاسادى جانە كەيبىر ەلدەردىڭ ەكونوميكاسىنداعى وسىمگە قايتا ورالۋ ءۇشىن جىلدار قاجەت بولادى. ەۋروپادا كوروناۆيرۋستىڭ ەكىنشى رەت قايتالانۋى تۋرالى ۇرەيلەنۋ جانە شەكتەۋ شارالارىن ەنگىزۋ دە دوللارعا قولداۋ كورسەتەدى»، - دەدى ۇلتتىق بانكتىڭ مونەتارلىق وپەراتسيالار دەپارتامەنتىنىڭ ديرەكتورى نۇرجان تۇرسىنحانوۆ.
دەپارتامەنت ديرەكتورىنىڭ ايتۋىنشا، دوللار يندەكسىنىڭ ءوسۋى مۇناي باعاسىنىڭ تومەندەۋىنە سەبەپ بولدى.
«بەيسەنبى جانە جۇما كۇندەرى ساۋدا- ساتتىقتا مۇناي باعاسىن بەلگىلەۋ ءالسىز قالپىنا كەلۋىنە قاراماستان، قارا التىن باعاسىنىڭ اپتالىق ءۇردىسى تەرىس ايماقتا - مينۋس %2,9 بولىپ قالىپ وتىر. سونىمەن قاتار، مۇنايعا سۇرانىستىڭ ءوسۋ پەرسپەكتيۆاسى COVID-19 جاعدايلارىنىڭ جاڭا ءوسۋى جانە ءبىرقاتار ەلدەردە شەكتەۋ شارالارىن ەنگىزۋ اياسىندا كۇماندى بولىپ قالۋدا»، - دەپ تولىقتىردى ول.
اۆتور: رۋسلان عابباسوۆ