عالىمدار كوروناۆيرۋستىڭ باستى «قۋلىعىن» اتادى

نۇر-سۇلتان. قازاقپارات - اعزانىڭ ينفەكتسيا شابۋىلىنا باياۋ رەاكتسياسى كوروناۆيرۋستىڭ نەگىزگى «قۋلىعى» بولۋى مۇمكىن.

بۇل تۋرالى Bloomberg-كە بەرگەن سۇقباتىندا ا ق ش ۆيرۋسولوگى شەين كروتتي ايتتى.

«بۇل (قۋلىق) ماڭىزدى تۋا بىتكەن يممۋندىق جاۋاپتان اۋلاق بولۋ، اتاپ ايتقاندا I ءتيپتى ينتەرفەروننىڭ ەرتە رەاكتسياسىن بولدىرماۋ»، - دەيدى ول.

Science جۋرنالىندا ايتىلعان ا ق ش عالىمدارىنىڭ پىكىرىنشە، بۇرىن باسقا اۋرۋلاردى ەمدەۋ ءۇشىن قولدانىلعان سينتەتيكالىق ينتەرفەرونداردى قولدانۋ كوروناۆيرۋسپەن كۇرەستە ءتيىمدى بولۋى مۇمكىن.

زەرتتەۋلەر كورسەتكەندەي، كەيبىر پاتسيەنتتەرىندە ينتەرفەرون رەاكتسياسى گەنەتيكالىق اۋىتقۋلاردىڭ سالدارىنان نەمەسە ينتەرفەروننىڭ وزىنە شابۋىل جاسايتىن قالاۋسىز انتيدەنەلەردىڭ اسەرىنەن ناشارلاعان.

سونىمەن قاتار، عالىمدار ينتەرفەرونعا شابۋىل جاسايتىن انتيدەنەلەردى تاپقان ناۋقاستاردىڭ 94 پايىزى ەر ادامدار ەكەنىن انىقتادى. بۇل سونداي-اق ەرلەردىڭ اۋرۋدى ايەلدەرگە قاراعاندا نەعۇرلىم اۋىر وتكىزەتىنىن تۇسىندىرۋگە كومەكتەسەدى، دەپ جازادى Science.

بۇل زەرتتەۋگە نيمەگەندەگى رادبو ۋنيۆەرسيتەتىنىڭ مەديتسينالىق ورتالىعىنداعى گەنومدىق تەحنولوگيالار مەن يممۋنو-گەنوميكا توبىنىڭ جەتەكشىسى الەكساندر حويشەن دە انىقتاما بەردى. ول «ينتەرفەروندى قولدانۋ اۋرۋدىڭ باستاپقى كەزەڭىندە عانا COVID-19-عا قارسى كۇرەستە كومەكتەسەدى» دەيدى. باسقا جاعدايلاردا، ينفەكتسيانىڭ اعىمى جانە ناۋقاستىڭ قالپىنا كەلۋى ۋاقىتقا بايلانىستى بولادى.

massaget.kz