ب ۇ ۇ تاۋلى قاراباقتاعى جاعدايدىڭ ۋشىعۋىنا بايلانىستى مالىمدەمە جاسادى
انتونيۋ گۋتتەريش ءوزىنىڭ مالىمدەمەسىندە تاۋلى قاراباقتاعى اسكەري كۇرەستىڭ قايتا باستالعانىنا الاڭداۋلى ەكەنىن مالىمدەدى.
ول تاتارتاردىڭ كۇش قولدانۋىن سىنعا الىپ، وسى وقيعانىڭ قاراپايىم تۇرعىندارعا زالالى تيەتىنىنە الاڭدايتىنىن جەتكىزدى.
«ب ۇ ۇ باس حاتشىسى ەكى تاراپتى دەرەۋ اسكەري قاقتىعىستى توقتاتىپ، سىندارلى كەلىسسوز جۇرگىزۋگە شاقىرادى»، - دەلىنگەن گۋتتەريشتىڭ اتىنان ب ۇ ۇ باسپا ءسوز حاتشىسى جاريالاعان مالىمدەمەدە.
انتونيۋ گۋتتەريش ە ق ى ۇ- نىڭ مينسك توبىنىڭ ءتوراعالارىنىڭ ءرولىنىڭ ماڭىزدى ەكەنىن اتاپ ءوتىپ، ولاردىڭ جۇمىسىن قولدايتىنىن مالىمدەدى.
ول ەكى تاراپتى «ەشقانداي كۇش قولدانباي دەرەۋ كەلىسسوز جۇرگىزۋ» ماقساتىندا سەرىكتەستىككە شاقىردى.
ايتا كەتسەك، ازەربايجان مەن ارمەنيانىڭ قورعانىس ۆەدومستۆولارى تاۋلى قاراباقتاعى جاعدايدىڭ ۋشىققانى تۋرالى مالىمدەگەن بولاتىن. سونداي-اق، قازاقستان رەسپۋبليكاسىنىڭ سىرتقى ىستەر مينيسترلىگى ارميان-ازەربايجان قاقتىعىسىنىڭ ۋشىعۋىنا بايلانىستى مالىمدەمە جاسادى.