+7 (701) 759 90 19
1 °С : نۇر-سۇلتان
7 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

سەمەي ولكەتانۋشىلارى «ەجەلگى ورماندى» تاپتى

27 قىركۇيەك 15:30
:ءبولىسۋ
سەمەي ولكەتانۋشىلارى «ەجەلگى ورماندى» تاپتى

سەمەي. قازاقپارات - سەمەي ولكەتانۋشىلارى قالا ماڭىنان كونە اعاشتاردىڭ قالدىقتارىن تاپتى، دەپ حابارلايدى قازاقپارات ءتىلشىسى.

جۋىقتا «پريرتىشە» ولكەتانۋ قوعامىنىڭ مۇشەلەرى ەكسپەديتسيامەن مۋكۋر وزەنىنە باردى. اۋماقتى زەرتتەۋ كەزىندە ولكەتانۋشىلار ءدوڭنىڭ ۇستىنەن اعاش ءدىڭى مەن تامىرىنا ۇقساس ەرەكشە تاستاردى تاپقان. ولكە تانۋشى پاۆەل جۋكوۆتىڭ ايتۋىنشا، ميلليونداعان جىلدار بۇرىن قازاقستان جەرىنە «ەجەلگى تەتيس مۇحيتى» دەپ اتالاتىن تەڭىز تولقىندارى شايىپ تۇرعان. ول زاماندا ماتەريكتەردىڭ ورنالاسۋى باسقانداي ەدى. جەر قاباتتارىنىڭ قوزعالىسى مۇحيت تەرەڭدىگى مەن جاعالاۋدىڭ سۇلباسىن وزگەرتكەندىكتەن سونداعى وسىمدىكتەر سۋعا ءتۇسىپ كەتكەن.


«بيولوگيالىق قالدىقتار ءار ءتۇرلى مينەرالدى تۇزداردىڭ شوعىرلانۋ ورتالىعىنا اينالدى. قاباتتار كوتەرىلىپ، مۇحيت كەتكەننەن كەيىن، قازىر ءبىز تۇرعان اۋماق شوگىندى جىنىستاردىڭ ورتالىعى بولعان. وسى ءوڭىردىڭ كوپ بولىگىن سارى، سارعىش شوگىندى جىنىستار الىپ جاتقانىن كوردىك. بۇل تەمىر تۇزى. ءبىراق كەيبىر اعاش دىڭدەرى تۇرعان جەردە مارگانەتس تۇزى شوعىرلانعان. ولار تۇسىمەن، قۇرامىمەن جانە سىرتقى تۇرىمەن ەرەكشەلەنەدى. پايىمداۋىمىزشا، ءبىز مارگانەتس تۇزى شوعىرلانعان ەجەلگى اعاشتاردىڭ قالدىقتارىن تاپتىق»، - دەدى پ. جۋكوۆ.


اۆتور: تالعاتجان مۇحامەتبەك ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات