+7 (701) 759 90 19
5 °С : نۇر-سۇلتان
10 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

ق ر پرەزيدەنتى قاسىم-جومارت توقايەۆتىڭ الماتىعا ساپارىنىڭ ۆيدەوسى

26 قىركۇيەك 08:34
:ءبولىسۋ
ق ر پرەزيدەنتى قاسىم-جومارت توقايەۆتىڭ الماتىعا ساپارىنىڭ ۆيدەوسى

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆتىڭ الماتى قالاسىنا جاساعان جۇمىس ساپارىنىڭ ءبىرىنشى كۇنىنىڭ ۆيدەوسى جاريالاندى، دەپ حابارلايدى قازاقپارات. ۆيدەونى ءوزىنىڭ Facebook پاراقشاسىندا مەملەكەت باسشىسىنىڭ باسپا ءسوز حاتشىسى بەرىك ءۋالي جاريالادى.

ايتا كەتەيىك، بەرىك ءۋالي وسىعان دەيىن Facebook پاراقشاسىندا قازاقستان پرەزيدەنتىنىڭ جۇمىس ساپارىمەن الماتى قالاسىنا كەلگەندىگىن حابارلاعان بولاتىن. وندا پرەزيدەنتتىڭ الماتىداعى ءبىرقاتار نىسانداردى ارالاپ، قوعام قايراتكەرلەرىمەن جانە ۇلتتىق قوعامدىق سەنىم كەڭەسىنىڭ مۇشەلەرىمەن كەزدەسۋ وتكىزەتىنى جازىلعان. ق ر پرەزيدەنتى قاسىم-جومارت توقايەۆ الماتىعا ساپارى بارىسىندا الدىمەن ي. جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسىنىڭ جاڭا فيليالىن، ونداعى 500 ادامعا ستاتسيونارلىق مەديتسينالىق جاردەم بەرۋگە ارنالعان جانە زاماناۋي قۇرىلعىلارمەن جابدىقتالعان پالاتالاردى ارالاپ كوردى.


بۇدان سوڭ مەملەكەت باسشىسى الماتىنىڭ يندۋستريالىق ايماعىندا ورنالاسقان ەنەرگيا ۇنەمدەيتىن ساۋلەتتىك قاسبەتتەر شىعاراتىن زاۋىت - «ك س م تەحنوۆيد» ج ش س- نىڭ جۇمىسىمەن تانىستى. پرەزيدەنتكە كاسىپورىننىڭ ونىمدەرى تانىستىرىلىپ، قۇرىلىس ماتەريالدارى ءوندىرىسىنىڭ تەحنولوگيالىق پروتسەسى كورسەتىلدى. مۇندا 250 دەن استام ادام جۇمىس ىستەيدى.

كومپانيانىڭ جوباعا سالعان جەكە ينۆەستيتسياسى 3,8 ميلليارد تەڭگە. زاۋىتتىڭ قۋاتى جىلىنا 475 مىڭ شارشى مەتر شىنى پاكەت شىعارۋعا جەتەدى. بۇدان ءارى مەملەكەت باسشىسى الماتىداعى جەڭىل اۆتوموبيلدەر شىعاراتىن قازاقستاندىق «Hyundai Trans Kazakhstan» زاۋىتىنىڭ ىسكە قوسىلۋعا دايىندىعىن تەكسەردى. سونداي-اق ق ر پرەزيدەنتى رەسپۋبليكا الاڭىنداعى قايتا جوندەۋدەن وتكەن «المالى» دەمالىس اۋماعىن ارالاپ كوردى. جاڭارتىلعان اۋماق بىرنەشە بولىككە، اتاپ ايتقاندا، بالالارعا جانە مادەني ويىن-ساۋىققا ارنالعان ايماقتارعا بولىنگەن. الاڭعا قازاق سۋرەتشىلەرى سالعان مۇسىندەر قويىلىپ، اۋقىمدى كوگالداندىرۋ جۇمىستارى جۇرگىزىلگەن.

قازاقستان پرەزيدەنتى ساپار بارىسىندا الماتىداعى كوپ فۋنكسيونالدى «SEN» مۋزىكالىق ورتالىعىنا دا باردى. مەملەكەت باسشىسىنا وندا وقۋشىلاردىڭ قاشىقتان ساپالى وقۋىن جانە كەزەكشى سىنىپتاردى ۇيىمداستىرۋ، سونداي-اق، مۇقتاج وقۋشىلاردى پلانشەتپەن، نوۋتبۋكپەن جانە كومپيۋتەرمەن قامتاماسىز ەتۋ جونىندە بەرىلگەن تاپسىرمالاردىڭ ورىندالۋى تۋرالى باياندالدى.

اۆتور: ايدار وسپاناليەۆ


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات