+7 (701) 759 90 19
3 °С : نۇر-سۇلتان
15 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

كاسىپكەرلىكتى دامىتۋعا كەدەرگى جاساۋعا ەشكىمنىڭ قۇقىعى جوق - توقايەۆ

25 قىركۇيەك 21:57
:ءبولىسۋ
كاسىپكەرلىكتى دامىتۋعا كەدەرگى جاساۋعا ەشكىمنىڭ قۇقىعى جوق - توقايەۆ

الماتى. قازاقپارات - كاسىپكەرلىكتى دامىتۋعا كەدەرگى جاساۋعا ەشكىمنىڭ قۇقىعى جوق.

بۇل تۋرالى ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات.

«الماتىنىڭ كاسىپكەرلەرىمەن شاعىن جانە ورتا بيزنەستى قولداۋ شارالارىن تالقىلادىق. قازىرگى جاعدايدا سالىقتى جەڭىلدەتۋ، سۋبسيديا بەرۋ، اينالىمداعى قارجىنى تولىقتىرۋ جانە تاعى باسقا ارقىلى بيزنەسكە كومەكتەسە بەرەمىز. ەلگە پايدالى كاسىپكەرلىكتى دامىتۋعا كەدەرگى جاساۋعا ەشكىمنىڭ قۇقىعى جوق»، - دەپ جازدى مەملەكەت باسشىسى Twitter- دە.

بۇعان دەيىن حابارلاعانىمىزداي، بۇگىن ق ر پرەزيدەنتى الماتىعا جۇمىس ساپارى اياسىندا قازاقستاندىق «Hyundai Trans Kazakhstan» زاۋىتىنىڭ ىسكە قوسىلۋعا دايىندىعىن تەكسەردى.

ق. توقايەۆ نىساندى ارالاپ كورگەننەن كەيىن يندۋستريالىق ايماق رەزيدەنتتەرىمەن جەكە كاسىپكەرلىكتى قولداۋ جانە كاسىپورىننىڭ باسىم سالالارىن دامىتۋ ماسەلەلەرىن تالقىلادى.

«مەن ءوز جولداۋىمدا ەلىمىزدەگى كاسىپكەرلىكتى دامىتۋعا ەرەكشە ءمان بەردىم. اسىرەسە، بيزنەستىڭ، كاسىپكەرلىكتىڭ دامۋىنا مەملەكەتتىك ورگاندار تاراپىنان كەلتىرىلەتىن كەز كەلگەن كەدەرگى ەلىمىزگە قارسى جاسالعان قىلمىس رەتىندە قارالاتىنىنا ارنايى توقتالدىم. ياعني، باسقاشا ايتقاندا، ۇكىمەت، جەرگىلىكتى اتقارۋشى ورگاندار كاسىپكەرلىكتى دامىتۋعا جان-جاقتى قولداۋ كورسەتۋگە ءتيىس. بۇل - ەكونوميكالىق ساياساتىمىزداعى نەگىزگى باعىت»، - دەدى ول.

پرەزيدەنت ەلىمىزدىڭ ەكونوميكاسىنداعى احۋال پاندەميا سالدارىنان ءالى دە كۇردەلى ەكەنىن جانە بۇل داعدارىستان مەملەكەت پەن بيزنەستىڭ بىرلەسكەن كۇش-جىگەرىنىڭ ارقاسىندا عانا شىعۋعا بولاتىنىن اتاپ ءوتتى.

باسەكەلەستىكتى قورعاۋ ءۇشىن ستراتەگيالىق جوسپارلاۋ جانە رەفورمالار اگەنتتىگى قۇرىلدى.

«نارىقتى مونوپوليستەردەن تازالاۋ كەرەك. بارلىق لايىقتى كاسىپكەرلەردىڭ ءبىزدىڭ نارىققا ەنىپ، ەركىن جۇمىس ىستەۋىنە مۇمكىندىك بەرۋ قاجەت. سوندا عانا ەكونوميكا ەركىن دامي الادى. مۇنىڭ ءبارى جاڭا ۇيىمداستىرۋ شارالارىن قابىلداۋدى تالاپ ەتەتىنى ءسوزسىز. بۇل شارالاردىڭ ءبارى ءتيىمدى بولادى دەپ ۇمىتتەنەمىن»، - دەدى مەملەكەت باسشىسى.

قاسىم-جومارت توقايەۆ الماتىعا ساپارىن ي. جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسىنىڭ جاڭا فيليالىن ارالاپ كورۋدەن باستادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات