ق ر پرەزيدەنتىنە الماتىدا قاشىقتان وقىتۋدى ۇيىمداستىرۋ جايى باياندالدى
ورتالىقتى ارالاپ كورۋ بارىسىندا قازاقستان پرەزيدەنتىنە مەگاپوليستەگى قوسىمشا ءبىلىم بەرۋ ينفراقۇرىلىمىن دامىتۋ، ساپاسىن كۇشەيتۋ جانە وعان باراتىن بالالاردىڭ سانىن كوبەيتۋ ءىسى جونىندە مالىمەت بەرىلدى.
جۋىردا الماتى قالاسىندا ەكى كوپسالالى وقۋشىلار سارايىن، بىرنەشە دەنە شىنىقتىرۋ جانە ساۋىقتىرۋ كەشەنىن سالۋ جوسپارلانىپ وتىر. سونىمەن قاتار مەكتەپتەن تىس ۇيىمدار جاڭعىرتىلادى جانە سپورت الاڭدارى قايتا جوندەۋدەن وتكىزىلەدى.
مەملەكەت باسشىسىنا وقۋشىلاردىڭ قاشىقتان ساپالى وقۋىن جانە كەزەكشى سىنىپتاردى ۇيىمداستىرۋ، سونداي-اق، مۇقتاج وقۋشىلاردى پلانشەتپەن، نوۋتبۋكپەن جانە كومپيۋتەرمەن قامتاماسىز ەتۋ جونىندە بەرىلگەن تاپسىرمالاردىڭ ورىندالۋى تۋرالى باياندالدى.
قاسىم-جومارت توقايەۆ كوپ فۋنكتسيونالدى ورتالىقتىڭ جۇمىسىمەن تانىسىپ، زاماناۋي، كاسىبي مۋزىكالىق قۇرىلعىلارمەن جابدىقتالعان دىبىس جازاتىن ستۋديالار مەن وقۋ سىنىپتارىن ارالاپ كوردى.
ورتالىقتىڭ عيماراتى شۋ ەستىرتپەيتىن ارنايى ماتەريالداردان جاسالعان. قازىرگى ۋاقىتتا جەكە ءبىلىم بەرۋ مەكەمەسىندە جاس دارىندى وقۋشىلارعا 20 پەداگوگ ءدارىس جۇرگىزۋدە.
ەسكە سالايىق، بۇگىن مەملەكەت باسشىسى جۇمىس ساپارىمەن الماتى قالاسىنا كەلدى.