+7 (701) 759 90 19
6 °С : نۇر-سۇلتان
2 °С : الماتى
USD 427.91 EUR 506.9
RUB 5.6 CNY 64.17
جاڭالىقتار

ق ر پرەزيدەنتى قازاقستاننىڭ ءولىم جازاسىنان باس تارتۋىنا قاتىستى تۇسىنىك بەردى

25 قىركۇيەك 20:41
:ءبولىسۋ
ق ر پرەزيدەنتى قازاقستاننىڭ ءولىم جازاسىنان باس تارتۋىنا قاتىستى تۇسىنىك بەردى

الماتى. قازاقپارات - پرەزيدەنت قاسىم-جومارت توقايەۆ قازاقستاننىڭ ءولىم جازاسىنان باس تارتۋعا باعىتتالعان ازاماتتىق جانە ساياسي قۇقىقتار تۋرالى حالىقارالىق پاكتىنىڭ ەكىنشى فاكۋلتاتيۆتى حاتتاماسىنا قول قويۋىنا بايلانىستى تۇسىنىكتەمە بەردى، دەپ حابارلايدى قازاقپارات.

«جۋىردا عانا قازاقستاندا ءولىم جازاسىنان باس تارتۋدى قاراستىراتىن ەكىنشى فاكۋلتاتيۆتى حاتتاماعا قوسىلۋ جونىندە شەشىم قابىلداندى. كەزىندە تۇڭعىش پرەزيدەنتىمىز تاراپىنان ءولىم جازاسىنا جاريالانعان موراتوري كۇشىندە بولعاندىقتان، بۇل شەشىم كونستيتۋتسياعا تولىق ساي كەلەدى جانە اتازاڭعا ەشقانداي وزگەرىس ەنگىزۋ قاجەت ەمەس. شىن مانىندە، ەلىمىزدە ءولىم جازاسى جوق. تەك كونستيتۋتسيادا قاراستىرىلعان ەكى عانا بولماشى ەرەكشەلىك بار. ولار فاكۋلتاتيۆتى حاتتامانىڭ تالابىنا تولىق ساي كەلەدى»، - دەدى مەملەكەت باسشىسى.

ەسكە سالايىق، 23- قىركۇيەكتە بىرىككەن ۇلتتار ۇيىمىنىڭ شتاب-پاتەرىندە قازاقستاننىڭ ب ۇ ۇ جانىنداعى تۇراقتى وكىلى قايرات وماروۆ ءولىم جازاسىن جويۋعا باعىتتالعان ازاماتتىق جانە ساياسي قۇقىقتار تۋرالى حالىقارالىق پاكتىنىڭ ەكىنشى فاكۋلتاتيۆتىك حاتتاماسىنا قول قويدى.

سول كۇنى ءولىم جازاسىن جويۋ تۋرالى حالىقارالىق حاتتاماعا قوسىلۋ تۋرالى شەشىمدى قازاقستان پرەزيدەنتى قاسىم-جومارت توقايەۆ ب ۇ ۇ باس اسسامبلەياسىنىڭ 75-مەرەيتويلىق سەسسياسىنىڭ جالپى ساياسي پىكىرتالاس بارىسىندا سويلەگەن سوزىندە جاريالادى. كەيىننەن ق ر سىرتقى ىستەر مينيسترلىگىنىڭ باسپا ءسوز قىزمەتى قازاقستاننىڭ اتالمىش حالىقارالىق پاكتىگە قوسىلۋىنا قاتىستى تۇسىنىكتەمە بەردى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات