مەملەكەت باسشىسى الماتىنىڭ «المالى» دەمالىس اۋماعىن ارالاپ كوردى

الماتى. قازاقپارات - ق ر پرەزيدەنتى قاسىم-جومارت توقايەۆ الماتىعا جاساعان جۇمىس ساپارى بارىسىندا رەسپۋبليكا الاڭىنداعى قايتا جوندەۋدەن وتكەن «المالى» دەمالىس اۋماعىن ارالاپ كوردى، دەپ حابارلايدى قازاقپارات اقورداعا سىلتەمە جاساپ.

جاڭارتىلعان اۋماق بىرنەشە بولىككە، اتاپ ايتقاندا، بالالارعا جانە مادەني ويىن-ساۋىققا ارنالعان ايماقتارعا بولىنگەن.

الاڭعا قازاق سۋرەتشىلەرى سالعان مۇسىندەر قويىلىپ، اۋقىمدى كوگالداندىرۋ جۇمىسى جۇرگىزىلگەن.

اعاشتار، بۇتالار مەن گۇلدەر وتىرعىزىلعان. قالانىڭ تاريحى مەن مادەنيەتىن ەسكەرە وتىرىپ، قوناقتار مەن قالا تۇرعىندارى ءۇشىن دەمالاتىن ورىندار ۇيىمداستىرىلعان. سونداي-اق، ءارتۇرلى مادەني-اعارتۋ شارالارىن وتكىزۋ قاراستىرىلادى.

جەر استىنداعى «المالى» ساۋدا جانە ويىن-ساۋىق ورتالىعىن قايتا جوندەۋ جۇمىستارى 2021-جىلى اياقتالادى دەپ جوسپارلانۋدا.

ەسكە سالايىق، بۇگىن مەملەكەت باسشىسى جۇمىس ساپارىمەن الماتى قالاسىنا كەلدى.

ق. توقايەۆ شاھارعا ساپارىن ي. جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسىنىڭ جاڭا فيليالىنان باستادى.

سونداي-اق الماتىنىڭ يندۋستريالىق ايماعىندا بولىپ، قازاقستاندىق «Hyundai Trans Kazakhstan» زاۋىتىنىڭ ىسكە قوسىلۋعا دايىندىعىن تەكسەردى.