شەتەلدەگى قانداستارعا ارنالعان پورتالدىڭ جاڭا جوباسى تانىستىرىلدى

None
None
نۇر- سۇلتان. قازاقپارات - بۇگىن «وتانداستار قورى» مەن «دۇنيەءجۇزى قازاقتارىنىڭ قاۋىمداستىعى» بىرلەسە وتىرىپ شەتەلدەگى قازاق دياسپورالارىمەن ونلاين- كەزدەسۋ ۇيىمداستىردى، دەپ حابارلايدى قازاقپارات ءتىلشىسى.

شاراعا ق ر اقپارات جانە قوعامدىق دامۋ ۆيتسە- ءمينيسترى مارات ءازىلحانوۆ، ق ر سىرتقى ىستەر مينيسترلىگىنىڭ وكىلدەرى، «قازاقپارات» ح ا ا باسقارما ءتوراعاسى اسقار ۋماروۆ، «وتانداستار قورىنىڭ» ۆيتسە- پرەزيدەنتى ماعاۋيا سارباسوۆ جانە 5 ەلدەگى «اباي» مادەني- ىسكەرلىك ۇيلەرىنىڭ باسشىلارى قاتىسۋدا.

ونلاين فورماتتا ءوتىپ جاتقان جيىن بارىسىندا شەتەلدەگى قازاقتار مەن ەلگە ورالعان قانداستار ءۇشىن قاجەتتى مالىمەتتىڭ قولجەتىمدىلىگىن، ولاردىڭ ءبىر اقپارات كوزىنەن تاراتىلۋىن قامتاماسىز ەتۋ جانە سىرتتاعى قازاقتاردىڭ تاريحي وتانىمەن ءوزارا ديالوگ الاڭىن قالىپتاستىرۋ ماقساتىندا « «El.kz» اقپاراتتىق- تانىمدىق پورتالى تانىستىرىلدى.

« «El.kz» پورتالىنىڭ باس رەداكتورى نۇرگۇل قاليەۆا شەتەلدەگى قانداستاردى جۇمىلا جۇمىس ىستەۋگە شاقىردى. «وتانداستار قورىمەن» بىرلەسىپ جۇمىس جۇرگىزۋدەمىز. بىرلەسكەن جوبامىزدىڭ ءبىرى - ول « «El.kz» اقپاراتتىق- تانىمدىق پورتالىنان «قانداستار» پاراقشاسى اشىلدى. بۇل پاراقشا جالپى، سىرتتا جۇرگەن قانداستارىمىزعا جانە ەلگە ورالعان قانداستارعا ارنالعان. اتاپ ايتقاندا، اقپاراتتىق ديالوگ الاڭى. وسى ورايدا بايلانىس ورناتۋدىڭ جاقسى پلاتفورماسى بولادى دەپ سەنەمىز»، - دەدى ن. قالييەۆا.

بۇل تۇرعىدا ول « «El.kz» پورتالى قازاقستاندىق اقپارات نارىعىندا ءوزىنىڭ ورنىن ويىپ تۇرىپ الۋعا قاۋقارلى ەكەنىن ءارى بەدەلدى اقپارات قۇرالدارىنىڭ بىرىنە اينالعانىن اتاپ ءوتتى. «2019 -جىلى ءبىزدىڭ پاراقشانىڭ قارالىم سانى 3 ميلليونعا دەيىن جەتتى. سونداي- اق ءبىز الەۋمەتتىك جەلىدە دە بەلسەندىمىز. «قانداستار» پاراقشاسى التى بولىمنەن تۇرادى: جاڭالىقتار، «اتاجۇرت»، «جاس قازاق»، «وتانداستار قورى»، كومەك، ساراپتاما. جاڭالىقتار بولىمىنە توقتالساق، وندا دۇنيەءجۇزى قازاقتارىنىڭ، شەتەلدەگى قازاق- مادەني ورتالىقتارىنىڭ، قانداستارىمىزدىڭ وتكىزىپ جاتقان شارالارى جاڭارتىلىپ، ۇنەمى بەرىلىپ وتىرادى. «اتاجۇرت» بولىمىندە ەلگە ورالعان ءارى شەتەلدەگى قانداستارىمىزدىڭ ءومىر تاريحى جانە باسقا دا اۋقىمدى ماتەريالدار بەرىلەدى»، - دەپ ناقتىلادى پورتالدىڭ باس رەداكتورى.

اۆتور: رۋسلان عابباسوۆ

سوڭعى جاڭالىقتار