+7 (701) 759 90 19
1 °С : نۇر-سۇلتان
5 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

كوروناۆيرۋسقا قارسى قازاقستاندىق ۆاكسينا كلينيكالىق سىناقتىڭ العاشقى ساتىسىنان وتۋدە

25 قىركۇيەك 18:01
:ءبولىسۋ
كوروناۆيرۋسقا قارسى قازاقستاندىق ۆاكسينا كلينيكالىق سىناقتىڭ العاشقى ساتىسىنان وتۋدە

نۇر- سۇلتان. قازاقپارات - قازاقستاندا كوروناۆيرۋسقا قارسى ەكپە ەگۋ ناۋقانى قاشان باستالادى؟ بۇل سۇراققا دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ جاۋاپ بەردى، دەپ حابارلايدى قازاقپارات ءتىلشىسى.

«قازىرگى تاڭدا الەمدىك ۆاكسينالاردىڭ ىشىندە جىلدامدىعى بويىنشا وزىق شىققانى - رەسەي جانە وكسفورد ەكپەسى. وكىنىشكە قاراي، وكسفورد ۆاكسيناسىن سىناۋ بارىسىندا ادام اعزاسىنا كەرى اسەر ەتەتىن ءبىر بەلگى انىقتالدى. وسىنىڭ سالدارىنان ونى زەرتتەۋ جۇمىستارى توقتاپ قالدى. رەسەيلىك ۆاكسينا كلينيكالىق سىناقتىڭ ءۇشىنشى ساتىسىنان وتۋدە. وعان 10 مىڭداعان ادام قاتىسىپ جاتىر. بۇل - ەكپە پروتسەسى ەمەس، كلينيكالىق زەرتتەۋ ساتىسى. وسىنى شاتاستىرماۋ كەرەك»، - دەدى باعدات قوجاحمەتوۆ و ك ق- دا وتكەن باسپا ءسوز ءماسليحاتىندا.

ونىڭ ايتۋىنشا، قازاقستاندىق ۆاكسينا دا وتە جاقسى ناتيجە كورسەتىپ وتىر. «دەنساۋلىق ساقتاۋ مينيسترلىگىنىڭ ساراپشىلارىنان قۇرالعان توپ جامبىل وبلىسىنداعى زەرتحانانى كورىپ قايتتى. ازىرگە قازاقستاندىق ۆاكسينا كلينيكالىق سىناقتىڭ العاشقى فازاسىنان ءوتىپ جاتىر. الداعى ايلاردا اتقاراتىن قاۋىرت جۇمىس كوپ. بۇل باعىتتاعى ءىستى جالعاستىرامىز»، - دەدى ول.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات