شەتەلدەگى قانداستارعا ارنالعان «قازاعىم- اي» ونلاين- كونسەرتى وتەدى

None
None
نۇر- سۇلتان. قازاقپارات - «ۇلى دالا ەلىنەن» جوباسى اياسىندا «حالىق قازىناسى» مەملەكەتتىك ونەر ۇجىمى شەتەلدەگى قانداستارعا ارنالعان «قازاعىم- اي» اتتى ونلاين كونسەرتىن ۇسىنادى، دەپ حابارلايدى قازاقپارات ءتىلشىسى.

قازاق دياسپوراسىنا رۋحاني قولداۋ كورسەتۋ جانە شەتەلدەگى قانداستارمەن بايلانىستى نىعايتۋ ماقساتىندا وتەتىن كونتسەرتتى دۇنيەجۇزى قازاقتارىنىڭ قاۋىمداستىعى، «وتانداستار قورى» ك ە ا ق جانە «قازاق كونسەرت» ۇيىمى بىرگە ۇيىمداستىرىپ وتىر. بۇل جوبا 2019 -جىلدان بەرى ق ر اقپارات جانە قوعامدىق دامۋ مينيسترلىگىنىڭ تاپسىرماسىمەن جۇزەگە اسىرىلىپ كەلەدى.

«27 - قىركۇيەك كۇنى ساعات 21.00-دە (نۇر- سۇلتان ۋاقىتى بويىنشا) تىكەلەي ەفيردە وتەتىن ونلاين كونسەرتتە ءداستۇرلى ءان- كۇي ونەرىنىڭ بەلگىلى ساڭلاقتارى ونەر كورسەتەدى. ونلاين كونسەرت «وتانداستار قورىنىڭ» Otandastar channel YouTube ارناسىندا كورسەتىلىپ، بارشاعا قولجەتىمدى بولماق»، - دەپ اتاپ وتەدى «قازاقكونسەرت» ۇيىمى.

تىكەلەي ەفيردە قازاقستاننىڭ ەڭبەك سىڭىرگەن قايراتكەرلەرى جانعالي ءجۇزباي، ەرلان رىسقالي، ەربولات شالدىبەكوۆ، كلارا تولەنبايەۆا، ارداق بالاجانوۆا جانە حالىقارالىق بايقاۋلاردىڭ لاۋرەاتتارى اسقار مۇقيات، اقەركە تاجىبايەۆا، ۆەنەرا تابىس ونەر كورسەتەدى. ارتىستەر كوپشىلىك ءسۇيىپ تىڭدايتىن ۇلتتىق مۋزىكالىق تۋىندىلار مەن جاڭا مۋزىكالىق كومپوزيتسيالاردى ورىندايدى.

اۆتور: مارلان جيەمباي


سوڭعى جاڭالىقتار