استانادا قازاق ءتىلدى مەكتەپتەردىڭ سانى ارتىپ بارادى

نۇر-سۇلتان. قازاقپارات - نۇر-سۇلتاندا كەيىنگى جىلدارى ارالاس جانە قازاق ءتىلدى مەكتەپتەردىڭ سانى ارتىپ كەلە جاتىر، دەپ حابارلايدى قازاقپارات ءتىلشىسى.

قالالىق ءبىلىم باسقارماسى قازاقپارات اگەنتتىگىنىڭ رەسمي ساۋالىنا بەرگەن جاۋابىندا ەلوردادا جالپى ءبىلىم بەرەتىن 129 مەكتەپ بارىن حاباردار ەتتى. ونىڭ ىشىندە (94 مەملەكەتتىك - قازاق تىلىندە وقىتاتىن 32، ورىس تىلىندە 6 جانە قازاق جانە ورىس تىلدەرىندە - 56)، 31 جەكە مەنشىك، 4 رەسپۋبليكالىق (ءبىر رەسپۋبليكالىق فيزيكا- ماتەماتيكا مەكتەبى جانە ءۇش نازاربايەۆ زياتكەرلىك مەكتەبى) مەكتەپ بار.

ۆەدومستۆو ءوز جاۋابىندا ەلوردادا كەيىنگى كەزدە قازاق، ورىس جانە ارالاس مەكتەپتەردىڭ قايسىسى ارتىپ، قايسىسى كەمىپ بارا جاتقانىن حابارلاعان. باسقارمانىڭ مالىمەتىنشە، جاڭا مەكتەپتەردى اشۋ كەزىندە ونىڭ وقىتۋ ءتىلى سول مەكتەپ ماڭىنداعى تۇرعىنداردىڭ تالابىن ەسكەرە وتىرىپ انىقتالادى. كەيىنگى جىلدارى اشىلعان مەكتەپتەردىڭ باسىم كوپشىلىگى 2 تىلدە وقىتادى. سونداي-اق قازاق تىلىندەگى ءبىلىم وردالارى دا ءجيى اشىلىپ جاتىر.

«بيىل ءبىرىنشى سىنىپقا 21007 بالا قابىلداندى، ونىڭ ىشىندە قازاق سىنىپتارىنا - 10806، ورىس سىنىپتارىنا - 10128»، - دەپ حابارلايدى باسقارمادان.

اۆتور: ايان بەكەن ۇلى