+7 (701) 759 90 19
2 °С : نۇر-سۇلتان
0 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

ەكونوميست ولجاس قۇدايبەرگەنوۆ جاڭا قىزمەتكە تاعايىندالدى

25 قىركۇيەك 14:45
:ءبولىسۋ
ەكونوميست ولجاس قۇدايبەرگەنوۆ جاڭا قىزمەتكە تاعايىندالدى

نۇر-سۇلتان. قازاقپارات - ولجاس قۇدايبەرگەنوۆ ۇلتتىق ەكونوميكا مينيسترلىگى جانىنداعى باسقارۋشى كەڭەستىڭ ءتوراعاسى بولىپ سايلاندى، دەپ حابارلايدى قازاقپارات ءتىلشىسى مينيسترلىككە سىلتەمە جاساپ.

ق ر ۇلتتىق ەكونوميكا مينيسترلىگى جانىنداعى باسقارۋشى كەڭەستىڭ وتىرىسىندا قازاقستان رەسپۋبليكاسىنداعى مەملەكەتتىك باسقارۋدىڭ جاعدايى مەن بولاشاعى تالقىلاندى. ۇلتتىق ەكونوميكا ءمينيسترى رۋسلان دالەنوۆ كەڭەستىڭ نەگىزگى مىندەتتەرىن ءتۇسىندىردى. بۇل مينيسترلىكتىڭ قىزمەتىن باعالاۋ جانە جەتىلدىرۋ بويىنشا ۇسىنىمدىق شەشىمدەر ازىرلەۋ.

كەڭەس ءتوراعاسى بولىپ ەكونوميست، قازاقستان رەسپۋبليكاسى پرەزيدەنتىنىڭ جانىنداعى الەۋمەتتىك- ەكونوميكالىق رەفورمالاردىڭ مونيتورينگىن تالداۋ ورتالىعىنىڭ مۇشەسى ولجاس قۇدايبەرگەنوۆ سايلاندى. كۇن ءتارتىبى بويىنشا ۇلتتىق ەكونوميكا ۆيتسە-ءمينيسترى ايگۇل شايىموۆا ءسوز سويلەدى.

ونىڭ ايتۋىنشا، ساپا مەن تيىمدىلىكتى ارتتىرۋ ءۇشىن مەملەكەتتىك اپپاراتتى باسقارۋدىڭ قۇزىرەتتىلىك تاسىلىنە كوشىرۋ جوسپارلانۋدا. بۇل ۇيىمدىق قۇرىلىمعا يكەمدىلىك بەرەدى جانە مەملەكەتتىڭ ەكونوميكالىق كۇن ءتارتىبىنىڭ ترەندتەرىن ەسكەرە وتىرىپ، مەملەكەتتىك ورگاندار قۇرىلىمىندا «جۇمساق» دەپارتامەنتتەر قۇرۋعا مۇمكىندىك بەرەدى.

وتىرىسقا قاتىسۋشىلار قويىلعان مىندەتتەردى ناتيجەلى شەشۋ ءۇشىن مەملەكەتتىك ورگانداردىڭ كادرلىق الەۋەتىن ودان ءارى جەتىلدىرۋ بويىنشا ۇسىنىستار جاسادى. ۇلتتىق ەكونوميكالىق ۆەدومستۆو باسشىسى رۋسلان دالەنوۆ ۇسىنىلعان شارالاردى ىسكە اسىرۋ تەتىگى جاڭا ەكونوميكالىق ساياساتتىڭ نەگىزگى باعىتتارى بويىنشا ناتيجەگە قول جەتكىزۋگە باعىتتالاتىنىن اتاپ ءوتتى.

قۇزىرەتتىلىك ءتاسىل قابىلدانعان شەشىمدەردىڭ تيىمدىلىگىن ارتتىرادى. ويتكەنى باسقارۋشىلىق شەشىمدەر قابىلداۋدىڭ تەك ءبىر عانا دەڭگەيى بولادى.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات